مخابن دەولەت باخچەلی دەربارێ سەردانا سەرۆک بارزانی یا ژ بۆ جزیرا بۆتان و بەشداربوونا وی د سەمپۆزیووما “مەلایێ جزیری” دە دیسا جارەکە دن ب زھنیەتەک شۆڤنیست ئاخڤیە و داخویانی دایە کو دوورە ژ ھەموو عورفان و خزمەتا بەرژەوەندیێن کەسی ناکە.
داخویانیێن باخچەلی د دەمەکێ دە تێن کو ھەموو ھوورگلی و تەدبیرێن ئەولەھیێ یێن ژ بۆ سەردانا سەرۆک بارزانی ھاتنە گرتن ل سەر بنگەھا پەیمانەک پرۆتۆکۆلێ د ناڤبەرا سازیێن پەیوەندیدار یێن ھەرێما کوردستانێ و ترکیەیێ دە بوون. وەکی دن، ھەر جارا کو رایەدارێن پایەبلندێن ترکیەیێ سەردانا ھەرێما کوردستانێ دکن، بێیی کو پرسگرێک ھەبە، یەکینەیێن ھێزێن تایبەت یێن ترکیەیێ ب وان رە نە.
سەردانا سەرۆک بارزانی گاڤەک بوو ژ بۆ پشتگریا پێڤاژۆیا ئاشتیێ، کو باخچەلی ئیدیعا دکە کو ئەو پشتگری دکە. مە وسا دفکری کو خوەدێ دەولەت باخچەلی د داویێ دە بەر ب رێیا راست ڤە هیدایەت کریە و دەست ژ نژادپەرەستی و شۆڤنیزمێ بەردایە؛ لێبەلێ، خویایە کو ئەو ھەمان گورێ گەورێ کەڤنە، کو نھا د چەرمێ میهان دەیە.
