ههسهده: مە ل دەردۆرا بەنداڤا تشرینێ گورزەکا کوژەک ل ئارتێشا عهرهبی یا سووریەیێ دا
ناڤەندا راگەهاندنێ یا ههسهدێ راگهاند کو، د هەژمارەکا چالاکیێن هەڤپار دە ب یەکینەیێن پاراستنا ژنان (یهپهژێ) رە ل دەردۆرا بەنداڤا تشرینێ تانکەک و جهەکێ لەشکەری یێ ئارتێشا عهرهبی یا سووریەیێ وێران کرن، د ئەنجامێ دە هەژمارەکا کەسان هاتن کوشتن و بریندارکرن.
ناڤەندا راگەهاندنێ یا هێزێن سووریەیا دەمۆکراتیک (ههسهدێ) ئیرۆ یەکشەم، 18.01.2026 بەلاڤ کر کو، هێزێن وان ب هەڤپاری ب یەکینەیێن پاراستنا ژنان (یهپهژێ) رە هەژمارەکا ئۆپەراسیۆنێن سەرکەتی ل دژی ئارتێشا عهرهبی یا سووریەیێ ل دەردۆرا بەنداڤا تشرینێ پێک ئانیە.
ل گۆری وێ داخویانیێ، ئەو ئۆپەراسیۆن ب ڤی رەنگی بوون؛ هێزێن ههسهدێ ل دەردۆرا گرێ سیرێتێلێ ل نێزیکی بەنداڤا تشرینێ کۆمبوونەکا چەکدارێن وان کریە ئارمانج کو خوە ژ بۆ ئێریشێ ئامادە دکر، د ئەنجامێ دە تانکەکا چەکداران ب تەمامی هات وێرانکرن.
ههسهدێ هەروەسا ئاماژە ژی دا کو، هەر ل وێ دەڤەرێ ب رێیا درۆنان گورزەکا بەرفرەهـ و بباندۆر ل نیڤێ کۆمبوونەکا چەکداران دا و بوو سەدەما تەقینەکا مەزن.
هەر د وێ داخویانیا دە هاتیە گۆتن کو، هێزێن ههسهدێ ل گوندێ حەجی حسێنێ یێ گرێدایی بەنداڤا تشرینێ بنگەهەکا لەشکەری و خالەکا بنەجهبوونا چەکدارێن وان وێران کریە.
ههسهدێ تەکەز ژی کر کو، د ئەنجاما وان چالاکیێن دە هەژمارەکا چەکداران هاتنە کوشتن و بریندارکرن، زێدەباری وێرانکرنا ب تەمامی یا تانکەکێ و وێرانکرن پێگەهەکێ وانێ لەشکەری ژی.
