هه‌سه‌ده‌: ل رەقایێ 9 شەرڤانێن مە جانێ خوە ژ دەست دا

ناڤەندا راگهاندنێ یا هێزێن سووریەیا دەمۆکراتیک، دەربارێ رەوشا داوی یا گرتیگەها “ئەل ئەقتان” یا ل باژارێ رەقایێ داخویانیەک بەلاڤ کر و راگهاند کو د پەڤچوونێن ل دۆردۆرا گرتیگەهێ دە 9 شەرڤانان جانێ خوە ژ دەست دایە.

هه‌سه‌دێ د داخویانیێ دە رەخنە ل هەڤپەیمانیا ناڤنەتەوەیی یا ل دژی داعشێ گرتن و دیار کر کو ئەو سێ رۆژن ژ بۆ ڤەگوهاستنا گرتیێن داعشێ یا ژ بۆ جهێن ئەولە ب وان رە د ناڤ هەڤاهەنگیێ دەنە.

د داخویانیێ دە هات دیارکرن کو هه‌ڤپه‌یمانیێ تەڤی سۆزێن خوە هەتا نها ت گاڤێن پراتیک نەئاڤێتنە.

د داخویانیێ دە هاتە گۆتن کو کۆمێن چەکدارێن شامێ ئێرشی گرتیگەهێ دکن و شەرڤانێن وان ژ بۆ پاراستنا گرتیگەهێ و رێلبەرگرتنا ئالۆزیان ئەرکا خوە ب جهـ تینن.

هه‌سه‌دێ ئەشکەرە کر کو د ئەنجاما ڤان پەڤچوونان دە هەتا نها 9 شەرڤانان جانێ خوە ژ دەست دا و 20 شەرڤانێن دن ژی بریندار بوون.

ناڤەندا راگهاندنێ یا هه‌سه‌دێ دەستنیشان کر کو د بن شەرت و مەرجێن ئەولەهیێ یێن گەلەکی مەترسیدار دە پەڤچوون هین ددۆمن.