فەرھاد شامی: ھەسەدێ و یەپەژێ ئێرشا ل سەر پرا قەرقۆزاکێ تێک برن
بەرپرسێ ناڤەندا راگھاندنێ یا ھێزێن سووریەیا دەمۆکراتیک (ھەسەد)ێ فەرھاد شامی راگھاند، شەرڤانێن وان و یەکینەیێن پاراستنا ژن (یەپەژ)ێ ئێرشەکا کۆمێن سەر ب شامێ ڤە ل باشوورێ کۆبانێ پووچ کرنە.
فەرھاد شامی ئیرۆ 20ێ چلەیێ داخویانیەکا ل سەر ھەژمارا خوە یا تۆرا جڤاکی “X”، ئاگاھیێن داوی یێن دەربارێ رەوشا مەیدانی یا ل دەردۆرا کۆبانێ پارڤە کرن.
ل گۆری داخویانیێ، کۆمێن چەکدارێن سەر ب حکوومەتا شامێ ڤە ئێرش برنە سەر ئەنیا پرا قەرقۆزاکێ یا کو دکەڤە باشوورێ باژارێ کۆبانێ، لێ شەرڤانێن ھەسەدێ و یەپەژێ ب توندی بەرسڤا ڤێ ئێرشێ دانە و گۆت: “ئێرشکار نەچار مان کو پاشڤە بکشن و برەڤن.”
بەرپرسێ راگھاندنا ھەسەدێ ھەر وھا ئەشکەرە کر، د ئەنجاما ڤان پەڤچوونان دە، دەربەیێن گران ل کۆمێن ئێرشکار کەتنە و د ناڤا رەفێن وان دە گەلەک کوشتی و بریندار ھەنە.
