سەرۆک بارزانی و پاپایێ ڤاتیکانێ جڤیان

سەرۆک مەسعوود بارزانی ل ڤاتیکانێ ب پاپا لیۆ یێ 14مین رە جڤیا و د هەڤدیتنێ دە تەکەزی ل سەر ئاشتی و ئارامیا جیهانی هات کرن.

سەرۆک مەسعوود بارزانی ئیرۆ ل ڤاتیکانێ ژ ئالیێ پاپا لیۆ یێ 14مین ڤە هات پێشوازیکرن.

ل گۆری داخویانیا بارەگەها بارزانی، د هەڤدیتنێ دە پاپا لیۆ ب گەرمی بخێرهاتنا سەرۆک بارزانی کر.

هەر دو ئالیان کێفخوەشیا خوە یا ژ بۆ ڤێ هەڤدیتنێ ئانی زمێن و ئەو وەکی دەرفەتەک ژ بۆ بهەڤگوهەرتنا بیر و رامانان یا ل سەر مژارێن گرینگێن هەرێمێ و جیهانێ نرخاند.

د جڤینێ دە هەر وها هەر دو ئالیان هێڤی کر کو “ئاشتی و ئارامی” ل جیهانێ سەردەست ببە و داوی ل ئێش و ئازارێن گەلان وەرە ئانین.”

پشتی جڤینێ، پاپا لیۆ و سەرۆک مەسعوود بارزانی دیاری پێشکێشی هەڤدوو کرن.