تۆم باراك دهربارێ جڤینا ههولێرێ یا ب مهزلووم عهبدی و ئیلهام ئهحمهدێ ره چ دبێژه؟
نوونەرێ ئامەریکایێ یێ کار و بارێن سووریەیێ تۆم باراك راگهاند کو وان ل گەل فەرماندارێ گشتی یێ هێزێن سووریەیا دەمۆکراتیک (ههسهدێ) مەزلووم عهبدی و هەڤسەرۆکا دائیرەیا تێکلیێن دەرڤە یا رێڤەبەریا خوەسەر یا رۆژاڤایێ کوردستانێ ئیلهام ئەحمەدێ هەڤدیتنەک پێک ئانیە.
نوونەرێ ئامەریکایێ یێ کار و بارێن سووریەیێ تۆم باراك ل سەر حهسابێ خوەیێ Xێ دەربارێ جڤینا خوە یا ل گەل رایەدارێن پایەبلندێن رۆژئاڤایێ کوردستانێ و داخویانیەک بەلاڤ کر.
تۆم باراك تەکەزی ل سەر پشتگریا ئامەریکایێ یا ژ بۆ رێکەفتنا ههسهدێ و حکوومەتا سووریەیێ کر.
باراك دیار کر کو ئەو شانازن کو ئیرۆ ل گەل فەرماندارێ گشتییێ ههسهدێ گەنەرال مەزلووم عهبدی و هەڤسەرۆکا دائیرەیا تێکیلیێن دەرڤە یا رێڤەبەریا خوەسەر ئیلهام ئەحمەدێ جڤیانە.
تۆم باراك د داخویانیا خوە دە دەستنیشان کر کو ئامەریکایێ پشتگریا خوە یا بهێز و پێبەندبوونا خوە یا ژ بۆ پێشخستنا “پێڤاژۆیا تەڤلیبوونێ” دوجارە کریە.
ئەڤ پێڤاژۆ د چارچۆڤەیا رێکەفتنا 18ێ کانوونا پاشین یا د ناڤبەرا هێزێن سووریەیا دەمۆکراتیک (ههسهدێ) و حکوومەتا سووریەیێ دە هاتبوو دیارکرن.
