نەتەوەیێن یهكبوویێ: زێدەتر ژ 170 هەزار کەسان ژ باکورێ رۆژهلاتێ سووریەیێ ئاوارە بوونە
نڤیسگەها کاروبارێن مرۆڤی یا گرێدایی نەتەوەیێن یەکگرتی (OCHA) د راپۆرتا خوە یا هەری نوو دە ئەشکەرە کر کو، زێدەتر ژ 170 هەزار وەلاتیان ژ بەر گرژی و ئالۆزیێن ڤێ داویێیێن باکورێ رۆژهلاتێ سووریەیێ ئاوارە بوونە.
ل گۆری وێ راپۆرتێ، ژ 6ێ ڤێ مەهێ ڤە، ژ بەر سەرهلدانا شەر و پەڤچوونان د ناڤبەرا هێزێن سووریەیا دەمۆکراتیک (ههسهدێ) و ئارتێشا عەرەبی یا سووریەیێ دە ل پارێزگەهێن حەلەب، رەقا و حەسەکەیێ، پێلەکا بەرفرەها ئاوارەبوونێ دەڤەر ڤەگرتیە.
نەتەوەیێن یەکگرتی ل سەر رەوشا مرۆڤی یا باژارێ کۆبانیێ هایداری ژی دایە و راگهاندیە: رەوشا مرۆڤی ل کۆبانیێ پر خرابە و ژیانا خەلکی ل وێ دەرێ دژوار بوویە، ئەڤ ژی ژ بەر دۆرپێچکرنا بەردەواما وی باژاری و قوتکرنا خزمەتێن بنگەهین یێن وەکی ئەلەکتریک، ئاڤ و خەتێن ئینتەرنەتێ.
نەتەوەیێن یەکگرتی د دەرهەقا بزاڤێن مرۆڤی دە ژی تەکەز کریە کو، تیمێن وێ ل سەر گهاندنا ئالیکاریان ژ بۆ لێقەومیان بەردەوامن. ئاماژە ژی دایە کو، ژ دەستپێکا ڤێ مەهێ ڤە، وان کاریە پێدڤیتیێن وەکی دۆشەک، بەتانی و ئالاڤێن گەرمکرنێ ژ بۆ نێزیکی 450 هەزار کەسان دابین بکن، هەروەسا خوارن و پێدڤیتیێن تایبەت ژی ژ بۆ 1.500 زارۆکان دابین کرنە.
