ب ئامادەبوونا سەرۆک بارزانی کۆنگرەیا تەندورستیێ یا مەزۆپۆتامیایێ ل ھەولێرێ دەست پێ دکە

ب ئامادەبوونا سەرۆک مەسعوود بارزانی و 800 پزیشک و پسپۆرێن ناڤخوەیی و ناڤدەولەتی، کۆنگرەیا 11ێ یا تەندورستیێ یا مەزۆپۆتامیایێ ل باژارێ ھەولێرێ دەست پێ دکە.

ل ھەولێرا پایتەخت، ئیرۆ 5ێ شوباتێ کار و خەباتێن کۆنگرەیا 11ێ یاا تەندورستیێ یا مەزۆپۆتامیایێ ب مەراسیمەکا فەرمی دەست پێ دکە. د مەراسیما دەستپێکرنا کۆنگرەیێ دە سەرۆک مەسعوود بارزانی ئامادە دبە و بریارە گۆتارەکێ ل سەر گرنگیا کەرتا تەندورستیێ پێشکێش بکە.

د ڤێ کۆنگرەیا ناڤدەولەتی دە، زێدەتری 800 پزیشک، پسپۆر و لێکۆلینەرێن وارێ تەندورستیێ یێن ژ ھەرێما کوردستانێ، ئیراق و وەلاتێن جودایێن جیھانێ بەشدار بوونە. ئارمانجا سەرەکی یا کۆنگرەیێ، ئافراندنا پلاتفۆرمەکێیە ژ بۆ دانوستاندنا زانستی د ناڤبەرا پژیشکێن ھەرێمی و پسپۆرێن بیانی دە.

کۆنگرەیا تەندورستیێ یا مەزۆپۆتامیایێ دێ دو رۆژان بەردەوام بکە. د ناڤا ڤێ دەمێ دە، دێ تیشک وەرە خستن سەر ھەری داوی پێشکەتنێن پژیشکی و تەکنۆلۆژی یێن نوویێن د وارێ دەرمانکرنێ دە ل سەرانسەرێ جیھانێ.