پەیەدێ رێ نەدا پزیشکێن رۆژئاڤا بەشداری کۆنگرەیا تەندروستیێ یا مەزۆپۆتامیایێ ببن

ئیرۆ کۆنگرەیا 11ێ یا تەندورستیێ یا مەزۆپۆتامیایێ ل ھەولێرا پایتەختا کوردستانێ ب ئامادەبوونا سەرۆک بارزانی و بەشداربوونا 800 پزیشک و پسپۆرێن ھەرێمی و ناڤنەتەوەیی دەست پێ کر، لێ تشتا بالکێش ئەڤ بوو کو ت پزیشک ژ رۆژئاڤا بەشدار نەبوون، ئەڤ ژی ژ بەر کو پەیەدێ رێ ب بەشداربوونا وان نەدا.

د دەستپێکا کۆنگرەیێ دە سەرۆک مەسعوود بارزانی گۆتارەک گرینگ پێشکێش کر و تێدە راگهاند، “هەولێر مالا پزیشکێن هەر چار پەرچەیێن کوردستانێ یە”.

بریار بوو 70 پزیشکێن رۆژئاڤایێ کوردستانێ ژی تەڤلی ڤێ کۆنگرەیێ ببن، لێ بەلێ ل گۆر ئاگاهیان رایەدارێن پەیەدێ ل دەریێ سێمالکا رێ ل بەر وان گرتیە و دەستوورا دەرباسبوونا ژ سینۆر ب وان نەدایە.

ل گۆر ئاگاهیێن پێگەها دارکا مازی، ب تەنێ 2 پزیشکێن رۆژئاڤا کارینە ژ دەریێ سینۆری دەرباس ببن و بەشداری کۆنگرەیێ ببن کو ئەو ژی خوەدی مافێ ئیقامەیێ نە ل باشوور.

تەڤی کو پزیشکێن رۆژئاڤا ژ رایەدارێن دەریێ سینۆری یێ سێمالکا خوەست زەلالکرنەکێ بدەن وان کا چما رێ ب دەرباسبوونا وان نادن، لێ بەرپرسێن دەریێ سینۆری ب تەنێ ژ وان رە گۆتیە، “ئەڤ فەرمانە و ژ مە رە هاتیە.”

ئەڤ کۆنگرەیا تەندورستیێ یا مەزۆپۆتامیایێ دێ دو رۆژان بەردەوام بکە. د ناڤا ڤێ دەمێ دە، دێ تیشک وەرە خستن سەر ھەری داوی پێشکەتنێن پزیشکی و تەکنۆلۆژی یێن نوویێن د وارێ دەرمانکرنێ دە ل سەرانسەرێ جیھانێ.