نێچیرڤان بارزانی و وەزیرێ دەرڤەیێ ڤاتیکانێ پێکڤەژیان و رەوشا پێکھاتەیان گۆتووبێژ دکن
سەرۆکێ ھەرێما کوردستانێ نێچیرڤان بارزانی د کۆنفەرانسا ئەولەکاریێ یا مونشنێ دە لگەل وەزیرێ دەرڤەیێ ڤاتیکانێ پۆڵ ریچارد گالاگەر جڤیا و تەکەزی ل سەر پاراستنا مافێن پێکھاتەیێن ئۆلی و نەتەوەیی کر.
د جڤینێ دە، ھەر دو ئالیان گوھەرتن و پێشھاتێن داوی یێن ل رۆژھلاتا ناڤین و ب تایبەتی رەوشا پێکھاتەیێن ئۆلی و نەتەوەیی یێن ل ئیراق و ھەرێما کوردستانێ گۆتووبێژ کرن. سەرۆک نێچیرڤان بارزانی پابەندبوونا ھەرێما کوردستانێ یا ژ بۆ پاراستنا مافێن ھەموو پێکھاتەیان و خورتکرنا چاندا پێکڤەژیان و لێبۆرینێ دووپات کر.
ژ ئالیێ خوە ڤە، وەزیرێ دەرڤەیێ ڤاتیکانێ پۆڵ ریچارد گالاگەر پەسنێ ژینگەھا لێبۆرین، پێکڤەژیانا ئاشتیانەیا ل ھەرێما کوردستانێ کر و پشتەڤانیا ڤاتیکانێ ژ بۆ ئارامیا ئیراق و ھەرێما کوردستانێ نیشان دا.
