سەرۆکاتیا هەرێما کوردستانێ راگهاند، بەرپرسێن هەرێمێ و شاندەکە دیپلۆماسی و لەشکەری یا ئامەریکایێ، گەرا نوو یا جڤینێن ل سەر چاکسازی و یەکخستنا هێزێن پێشمەرگە پێک ئانین.
جڤین ب ئامادەبوونا جیگرێ سەرۆکێ هەرێما کوردستانێ جه‌عفه‌ر شێخ مستەفا و کۆنسولا گشتی یا ئامەریکایێ ل هەولێرێ وێندی گرین پێک هات. د داخویانیێ دە هات دیارکرن کو لگەل تەکەزیکرنا ل سەر سەرخستنا پرۆسەیێ چاکسازیا پێشمەرگە، گاڤێن داوییێن کو د ڤی واری دە هاتنە ئاڤێتن، هاتنە نرخاندن.
هەر دو ئالیان ل سەر پێویستیا لەزکرنا پرۆسەیێ و چارەسەرکرنا وان ئاستەنگیێن کو دەردکەڤن پێشیا یەکخستنا پێشمەرگە لهەڤ کرن. هەروها د جڤینێ دە نێرین ل سەر بەرفرەهکرنا هەڤاهەنگی و هەڤکاریا د ناڤبەرا هەر دو ئالیان دە هاتن پارڤەکرن دا کو هێزا پێشمەرگە ببە هێزەکە نشتمانی و رێکوپێک.
