تۆم باراك بۆ سەرۆک بارزانی: شارەزاهیەکە بێهەمپا ژ سەرکردەیەکی ئەفسانەپی
نوونەرێ سەرۆکێ ئامەریکایێ ژ بۆ کاروبارێن سووریەیێ تۆم باراك، پشتی هەڤدیتنا خوە یا ل گەل سەرۆک مەسعوود بارزانی، نڤیسی: “شارەزاهیەکە بێهەمپا ژ سەرکردەیەکی ئەفسانەیی.”
تۆم باراك ئیرۆ 24ێ سباتێ ل سەر حەسابێ خوە یێ تۆرا جڤاکی “X” وێنەیەکی جڤینا خوە یا ب سەرۆک بارزانی رە پارڤە کر و ل سەر نڤیساند: “شارەزاهیەکە بێهەمپا ژ سەرکردەیەکی ئەفسانەیی.”
نوونەرێ ئامەریکایێ تۆم باراك دوهـ 23ێ سباتێ پشتی هەڤدیتنێن خوەیێن ل گەل بەرپرسێن ئیراقی، گهیشت هەولێرێ و ل پیرمامێ ژ ئالیێ سەرۆک مەسعوود بارزانی ڤە هاتە پێشوازیکرن. د جڤینێ دە کو سەرۆکوەزیرێ هەرێما کوردستانێ مەسروور بارزانی ژی ئامادە بوو، باراك کێفخوەشیا خوە ب دیتنا سەرۆک بارزانی ئانی زمان.
نوونەرێ ئامەریکایێ سپاسیا خوە ژ بۆ رۆلا سەرۆک بارزانی د رێگرتنا ل بەرفرەهبوونا شەر و توندووتووژیێ دە دیار کرن. هەر وها بال کشاند سەر هەولدانێن وی یێن ژ بۆ ئارامکرنا گەشەدانێن داوی یێن ل سووریەیێ و پشتگریکرنا رێکەفتنا د ناڤبەرا حکوومەتا سووریەیێ و هێزێن سووریەیا دەمۆکراتیک (ههسهدێ) دە.
د بەشەکە دن یا جڤینێ دە، تۆم باراك دەستنیشان کر کو ژ بۆ چارەسەرکرنا کێشە و گرفتێن ئیراقێ، گرنگە سوود ژ حکمەت و رێنماییێن سەرۆک بارزانی وەرە وەرگرتن.
باراك تەکەز کر، ئامەریکا دخوازە ئیراق ببە خوەدی سەروەرییا خوە و د ڤێ چارچۆڤەیێ دە وەلاتێ وی گرنگیەکە مەزن ددە بەردەوامیا پەیوەندی و شریکاتیا ل گەل ئیراق و هەرێما کوردستانێ.
