تەڤگەرا شۆرەشگەرێن ئاراراتێ پەیامەکێ ژ گەلێ رۆژهلات رە دشینە

تەڤگەرا شۆرەشگەرێن ئاراراتێ د دەربارێ رەوشا ئیران و رۆژھلاتێ کوردستانێ دە داخویانیەک ژ بۆ رایا گشتی پارڤە کر و تێ دە راگهاند، “پژاک نە پارتیەکە رۆژهلاتێ کوردستانێ یە لۆما رەژیما ئیرانێ دخوازە باژار و گوندێن رۆژھلاتێ کوردستانێ رادەستی پژاک شاخەیا پەکەکێ بکە، ھەتا کو پارتیێن رەسەنێن رۆژھلات ئێدی ل ھەرێمێ سەردەست نەبن.”

داخویانیا نڤیسکی یا تەڤگەرا شۆرەشگەرێن کوردستانێ کو کۆپیەک ژێ ژ بۆی رووپەلا دارکا مازی شاندیە ب ڤی ئاوایە:

پەیام ژ بۆ خەلکێ رۆژھلاتێ کوردستانێ .

ھلوەشینا رەژیما دیکتاتۆری یا ئیرانێ نێزیکە.

رەژیما ئیرانێ دخوازە باژار و گوندێن رۆژھلاتێ کوردستانێ رادەستی پژاک شاخەیا پەکەکێ بکە. ھەتا کو پارتیێن رەسەنێن رۆژھلات ئێدی ل ھەرێمێ سەردەست نەبن. لێ مخابن، چار پارتییێن رۆژھلاتێ کوردستانێ ب کۆما پژاک رە ئەنیەکە ھەڤپار ئاڤا کرنە.

ڤان پارتیان ھەموویان تێکۆشینەکە شۆرەشگەری و دیرۆکی دانە. پێویستی ب وێ یەکێ تونەبوو کو ئەو د ھەمان ئەنیێ دە ب کۆما پژاک رە بن.

ژ بەر سەدەما ژێرین :

1. پژاک نە پارتیەکی رۆژھلاتێ کوردستانێیە، ئەو شاخەکە پەکەکێیە و ژ ئالیێ رەژیما ئیرانێ ڤە ھاتیە دامەزراندن.

2- پژاک باوەریا خوە ب پرسگرێکا کورد ناینە و ھەتا ل دژی ڤێ یەکێ دەردکەڤە.

3- پژاک ھەتا نھا ب سەدان زارۆکێن د بن تەمەنێ 18 سالی دە رەڤاندنە و ژ بۆ کوشتنێ شاندنە ئەنیا شەر.

4-پژاک ل سەر سینۆرێن کوردستانێ قاچاخچییەک مرۆڤان و مادەیێن ھشبەرە، نە پارتیەک سیاسییە.

5-پژاک خوەدی رامان و ئیدەۆلۆژیەکا ئاپۆیزمێیە. کین و دژمناتیا ڤێ ل دژی حکوومەتا ترکیێیە، نە ل دژی حکوومەتا ئیرانێ.

ئەم ژ خەلکێ ھێژایێ رۆژھلاتێ کوردستانێ دخوازین کو ب درووشمەیێن ڤالایێن ڤێ کۆمێ نەیێن خاپاندن، دا کو چارەنووسا مە نە مینا یا رۆژئاڤا بە.

حکوومەتا ترکیەیێ دخوازە ڤێ کۆمێ بێچەک و بلاڤ بکە، وەکی مینا رۆژئاڤا ئێریشی وان بکە و دێ خەلکێ رۆژھلات د ئاگرێ وان دە بشەوتن.

تەڤگەرا شۆرەشگەرێن ئاراراتێ

رۆژا 3ێ ئادارا 2026ێ