حكوومهتا هەرێما کوردستانێ: ئەم نە بەشەکن ژ پلانا بچەککرنا هێزێن کوردی یا ل دژی ئیرانێ
بەردەڤکێ حكوومهتا هەرێما کوردستانێ تەکەز کر، ئەو راپۆرتێن بەحسا بچەککرنا هێزێن کوردی و شاندنا وان بۆ ناڤ ئاخا ئیرانێ دکن، دووری راستیێنە و ب مەبەست تێنە بەلاڤکرن.
بەردەڤکێ حكوومهتا هەرێما کوردستانێ پێشەوا هەورامانی ئیرۆ 5ێ ئادارێ ئەو ئیدیعایێن کو دگۆتن هەرێما کوردستانێ چەکان ددە هێزێن ئۆپۆزیسیۆنا رۆژهلاتی و وان دشینە ناڤ ئاخا ئیرانێ ب تەمامی رەد کرن.” هەورامانی دا زانین ژی، ئەڤ جورە راپۆرت “ب مەبەست” و ژ بۆ ئارمانجێن تایبەت تێنە بەلاڤکرن.
پێشەوا هەورامانی تەکەز کر، حكوومهتا هەرێما کوردستانێ و پارتیێن سیاسییێن هەرێمێ، نە بەشەکن ژ ت هەولدان یان پلانەکێ کو بخوازە شەر و راگەشیان ل ناڤچەیێ بەرفرەهتر بکە. هەروها گۆت: “بەرۆڤاژی ڤان ئیدیعایان، ئەم داخوازا ئاشتی و ئارامیا ناڤچەیێ دکن.”
د بەشەکە دن یا داخویانیێ دە، بەردەڤکێ حكوومهتێ بال کشاند سەر ئێریشێن کو رۆژانە ل سەر هەرێما کوردستانێ تێن کرن و ئەڤ ئێریش وەکی “ئێریشێن ترسۆنەک” پێناسە کرن و ب توندی شەرمەزار کرن.
هەورامانی داخواز ژ حكوومهتا فەدەرالا ئیراقێ و جڤاکا ناڤدەولەتی کر کو ل هەمبەری ڤان دەستدرێژیان بێدەنگ نەمینن. هەروها بانگ کر کو ژ بۆ پاراستنا ئاخ و گەلێ هەرێما کوردستانێ و پاراستنا ئارامیا ناڤچەیێ، گاڤێن پێویست وەرن ئاڤێتن.
