مەسروور بارزانی: ل دژی ڤێ دژمناتیا ل سەر هەرێما کوردستانێ ئەمێ هەموو رێکارێن پێویست بگرن

سەرۆکوەزیر مەسروور بارزانی ئێریشا “دژمنانە، غەدر و خیانەتێ” یا ل سەر بارەگەهێن پێشمەرگە شەرمەزار دکە و داخوازا راوەستاندنا ڤان ئێریشێن دژمنانە دکە.

سەرۆکوەزیرێ هەرێما کوردستانێ مەسروور بارزانی ئیرۆ 24ێ ئادارێ د پەیامەکێ دە راگهاند: “ئەم ئێریشا دژمنانە، غەدر و خیانەتا شڤێدی یا ل سەر بارەگەهێن پێشمەرگە شەرمەزار دکن، کو د ئەنجامێ دە 6 پێشمەرگەیێن قەهرەمان شەهید بوون و 30 پێشمەرگە ژی بریندار بوون.”

سەرۆکوەزیر مەسروور بارزانی سەرساخیێ ژ بۆ کەسووکارێن سەربلندێن شەهیدان خواست و داخوازا باشبوونێ ژ بۆ برینداران کر.”

سەرۆکوەزیر ماسروور بارزانی تەکەز دکە: “ژ بۆ رووبرووبوونا ڤێ دژمناتیا ل سەر هەرێما کوردستانێ تێ کرن، ئەمێ هەموو رێکارێن پێویست بگرن بەر خوە.”

هەر وها بانگ ل حکوومەتا فەدەرال و جڤاکا ناڤدەولەتی دکە کو “سینۆرەکی ژ بۆ ڤان ئێریشێن دژمنانەیێن ل سەر هەرێما کوردستانێ دەینن.”