سەرۆکوەزیرێ هەرێما کوردستانێ سەردانا پێشمەرگەیێن بریندار کر

سەرۆکێ حکوومەتا هەرێما کوردستانێ سەردانا پێشمەرگەیێن بریندار کر، سلاڤ و رێزێن سەرۆک بارزانی گهاندن وان و وەزارەتا تەندورستیێ ژی ئەرکدار کر کو، هەر تشتێ ژ بۆ چارەکرنا وان پێدڤی بە بکە.

مالپەرا حکوومەتا هەرێما کوردستانێ پارڤە کریە کو، سەرۆکوەزیر مەسروور بارزانی پشتی نیڤرۆیا ئیرۆ (پێنجشەم، 26ێ ئادارا 2026ێ) ل نەخوەشخانەیەکە هەولێرێ سەردانا پێشمەرگەیێن بریندارێن ئێریشا ب مووشەکێن بالیستیکا ئیرانێ ل سەر پێشمەرگەیێن کوردستانێ ل دەڤەرا سۆرانێ کر.

سەرۆکوەزیرێ هەرێما کوردستانێ سلاڤ و رێزێن سەرۆک مەسعوود بارزانی راگهاندن وان، رەوشا تەندورستیا وان پرسی و ژێ رە چارەبوونەکە بلەز خوەست.

مالپەرا حکوومەتا هەرێما کوردستانێ ئەشکەرە ژی کریە کو، سەرۆکوەزیرێ هەرێما کوردستانێ هەروەسا وەزارەتا تەندورستیێ ژی ئەرکدار کر کو، هەر تشتێ کو ژ بۆ چارەکرنا وان پێدڤی بە بکە.

ئەڤ ژی د دەمەکێ دەیە کو، بنگەهەکە فرقەیا حەفتێ یا پیادە یا دەڤەرا یەکێ و هێزەکە فرقەیا پێنجێ یا پیادە یا هێزا پێشمەرگەیان ل قەزایا سۆرانێ ل سەرێ سبەها رۆژا (سێشەم، 24ێ ئادارا 2026ێ) د دو ئێریشێن جودا دە ژ ئالیێ کۆمارا ئیسلامی یا ئیرانێ ڤە ب شەش مووشەکێن بالیستیک هاتن ئارمانجکرن، و د ئەنجامێ دە شەش پێشمەرگە شەهید بوون و 30 پێشمەرگەیێن دن ژی بریندار بوون.