چارچۆڤەیا ھەڤاھەنگیێ داخوازا سەرۆک بارزانی پەژراند

ئالیێن د ناڤ “چارچۆڤەیا ھەڤاھەنگیێ” دە، پشتی جڤینەکە تایبەتا ل بەغدایێ، ب رەنگەکی فەرمی راگھاندن کو وان داخوازا سەرۆک مەسعوود بارزانی یا ژ بۆ چارەسەرکرنا کریزا سیاسی پەژراندیە.

ل گۆری ئاگاھیێن کو ژ چاڤکانیێن ئاگاھدار ھاتنە گرتن، بریارێن سەرەکی یێن ڤێ جڤینێ وھا نە:

چارچۆڤەیا ھەڤاھەنگیێ بریار دا کو دەرفەتێ بدە ئالیێن سیاسی داکو ب رێیا دیالۆگێ بگھیژن رێکەفتنەکە گشتی.

ژ بۆ دەستنیشانکرنا بەربژێرێن پۆستێن سەرۆکوەزیر و سەرۆککۆمار، 10 رۆژ وەک موھلەت ژ بۆ ئالیێن کوردی و شیعەیان ھات دیارکرن.

د ناڤا ڤێ ماوەیێ دە، مژارا ھلبژارتنا سەرۆککۆمار و سەرۆکوەزیر ناکەڤە رۆژەڤا روونشتنێن پارلامەنتۆیا ئیراقێ داکو رێ ل بەر دیالۆگا ئالیان نەیێ گرتن.

ئەڤ گاڤا چارچۆڤەیا ھەڤاھەنگیێ پشتی دەستپێشخەریا سەرۆک مەسعوود بارزانی ھات، کو تێ دە بانگ ل ھەموو ئالیێن سونە و شیعە کربوو کو ژ بۆ دەرباسکرنا خەتمینا سیاسی یا ل ئیراقێ، دەست ب دیالۆگەکا جدی و بەرھەمدار بکن.

ئارمانجا ڤێ دەستپێشخەریێ ئەوە کو ئالی ل سەر بەربژێرێن ھەر دو پۆستێن بلند لھەڤ بکن و وەلات ژ ڤێ رەوشا نە دیار بەر ب ئارامیێ ڤە بچە. تێ چاڤەرێکرن کو د ناڤا 10 رۆژێن بهێت دە، تەڤگەرا دیپلۆماتیک د ناڤبەرا ھەولێر و بەغدایێ دە گەرمتر ببە.