ئەردۆگان ئێرشا ل مالا نێچیرڤان بارزانی هاتیە کرن ب توندی شەرمەزار کر
سەرۆکێ هەرێما کوردستانێ نێچیرڤان بارزانی و سەرۆککۆمارێ ترکیێ رەجەپ تاییپ ئەردۆگان ل سەر شەرێ هەرێمێ ئاخڤین.
سەرۆکێ هەرێما کوردستانێ ب رێیا تەلەفۆنێ ب سەرۆککۆمارێ ترکیێ رە بەحسا پێشهاتێن هەرێمێ و ئێرشێن داوی کر.
سەرۆککۆمارێ ترکیێ ئێرشا ل مالا نێچیرڤان بارزانی یا ل دهۆکێ ب توندی شەرمەزار کر.
سەرۆکاتیا هەرێما کوردستانی دیار کر کو سەرۆککۆمارێ ترکیێ رەجەپ تاییپ ئەردۆگان تەلەفۆن ژ سەرۆکێ هەرێما کوردستانێ نێچیرڤان بارزانی رە ڤەکر.
ئەردۆگان د پەیوەندیێ دە سەرساخی دا نێچیرڤان بارزانی و مالباتێن وان پێشمەرگەیێن قەهرەمانێن کو د ئێرشێن داوی دە شەهید کەتنە و بریندار بوونە.
ئەردۆگان هەر وها ئێرشا ب درۆنی یا ل مالا نێچیرڤان بارزانی یا ل دهۆکێ ب توندی شەرمەزار کر.
سەرۆککۆمارێ ترکیێ تەکەز کر کو وەلاتێ وی ب گرنگی ل ئارامی و ئاساییشا ئیراق و هەرێما کوردستانێ د نەرە و هەر تم پشتگریا پاراستنا ئارامیا هەرێمێ دکە.
نێچیرڤان بارزانی سپاسیا رەجەپ تاییپ ئەردۆگان و هەلوەستا دۆستانە یا ترکیێ کر.
سەرۆکێ هەرێما کوردستانێ ئانی زمێن کو هەرێما کوردستانێ وەکی هەر تم دێ ببە فاکتۆرا ئارامیێ و ت جاری نابە بەشەک ژ شەر و راگەشیان.
د پەیوەندیێ دە پێشهاتێن هەری داوی یێن شەر و باندۆرا وی یا ل سەر هەرێمێ و جیهانێ هاتن نرخاندن.
هەر دو ئالیان تەکەزی ل سەر گرنگیا هەولێن دیپلۆماتیکێن ژ بۆ راوەستاندنا شەر و چارەسەرکرنا ئاشتیانە یا ناکۆکیان کر.
