سەرۆک بارزانی: هەردەم ئاشتی ژ شەری چێترە

سەرۆک مەسعوود بارزانی پێشوازی ل راگھاندنا ئاگربەستا ناڤبەرا ئامەریکا و ئیرانێ کر و ھێڤی خواست کو ئەڤ پێنگاڤ ببە دەستپێکا بداویبوونا کێشەیێن کوور یێن ل ناڤچەیێ و مسۆگەرکرنا ئارامیێ.

سەرۆک مەسعوود بارزانی ئیرۆ چارشەمێ، 8ێ نیسانێ، د پەیامەکە ل سەر حەسابا خوە یا تۆرا جڤاکی “X”ێ دە راگھاند، پشتی راگھاندنا ئاگربەستێ، ھێڤیەکە مەزن ژ بۆ ئاشتیێ چێبوویە. سەرۆک بارزانی ھەروھا تەکەز کر، بژاردەیا ئاشتیێ ھەر تم ژ وێرانکاریێن شەری چێتر و پێشترە.

سەرۆک بارزانی د پەیاما خوە دە وھا گۆت: “ئەم ھێڤیدارین ئەڤ ئاگربەستا د ناڤبەرا ئامەریکا و ئیرانێ دە ئاشتیەکا بەردەوام، ئاساییش و بەختەوەریێ ژ بۆ ناڤچەیا مە بینە و ببە دەستپێکا بداویبوونا یەکجاری یا وان کێشەیێن کو ل ناڤچەیێ مە ھەنە. بێگومان، ئاشتی ھەردەم ژ شەری چێترە.”

ئەڤ داخویانیا سەرۆک بارزانی د دەمەکێ دە تێ، ئیرۆ بەربانگێ ئاگربەستەکە 14 رۆژی د ناڤبەرا واشنگتۆن و تەھرانێ دە ھات راگھاندن و بریارە رۆژا ئینێ ژی دانوستاندنێن ئاشتیێ ل ئیسلامابادێ دەست پێ بکن.