فەرماندارێ گشتی یێ هێزێن هەڤپەیمان: ئەم ژ بۆ ئارامیا کوردستانێ ل گەل وە نە
سەرۆکوەزیرێ هەرێما کوردستانێ مەسروور بارزانی، فەرماندارێ گشتییێ هێزێن هەڤپەیمانیا ناڤنەتەوەیی یا ل دژی داعشێ گەنەرال کیڤن لامبێرد پێشوازی کر.
د جڤینێ دە رەوشا گشتی یا هەرێما کوردستانێ، ئیراق و هەرێمێ هاتە گۆتووبێژکرن.
هەر دو ئالیان بال کشاند سەر هەولێن رووبرووبوونا ئێرش و مەترسیێن ل سەر هەرێما کوردستانێ و تێکۆشینا ل دژی تەرۆریستێن داعشێ.
مەسروور بارزانی سپاسیا هەرێما کوردستانێ یا ژ بۆ پشتگری و هەڤکاریا هێزێن هەڤپەیمانان دوپات کر.
گەنەرال کیڤن لامبێرد ژی تەکەز کر کو ئەو دێ ژ بۆ پاراستنا ئاساییش و ئارامیێ و رووبرووبوونا ئاستەنگیان، پشتگریا خوە یا ژ بۆ پێشمەرگەیان و هەرێما کوردستانێ بدۆمینن.
