مهسروور بارزانی: ئهم شانازیێ ب پێگهها خووشك و برایێن كلدان و ههمی كرستیانێن كوردستانێ دكن
سەرۆکێ حکوومەتا هەرێما کوردستانێ مەسروور بارزانی ئیرۆ (یەکشەم، 12ێ نیسانا 2026ێ) پەیامەکە پیرۆزکرنێ ئاراستەیی پاتریارک مار پۆلسێ سێیێ نۆنا کر، ژ بەر هلبژارتنا وی وەک پاتریارکێ نوویێ دێرا کلدانان ل جیهانێ.
پەیاما سەرۆکێ حکوومەتا هەرێما کوردستانێ:
ژ بەر هلبژارتنا وە وەک پاتریارکێ نوویێ دێرا کلدانان ل جیهانێ، ئەم گەرمترین پیرۆزباهیێن خوە ئاراستەیی وە دکن و هێڤیا سەرکەفتنێ د ڤێ ئەرک و بەرپرسیاریا مەزن دە ژ بۆ وە دخوازن.
هەرێما کوردستانێ شانازیێ ب پێگەها خووشک و برایێن کلدان و هەمی کریستیانێن کوردستانێ دکە و ئەم تەکەزێ ل سەر پابەندبوونا خوە یا نەگوهەر ژ بۆ بهێزکرنا چاندا پێکڤەژیانا ئاشتییانە یا د ناڤبەرا پێکهاتەیێن جودایێن هەرێما کوردستانێ دە دکن.
