ئیرانێ جهزایێ سێدارهدانێ ل سهر 3 گرتیێن كورد بڕی
رهژیما ئیرانێ جهزایێ دارڤهكرنێ ل سهر سێ گرتیێن کورد بری ب بههانهیا كو تەڤلی خوهپێشاندانێن سالێن رابووری یێن ل رۆژھلاتێ کوردستانێ بوونه.
ل گۆری رێخستنا مافێن مرۆڤان یا ئیرانێ سێ گرتیێن کورد یێن ل گرتیگەھا بۆکانێ یا ل رۆژھلاتێ کوردستانێ تێنە راگرتن ژ ئالیێ رەژیما ئیرانێ ڤە ب جەزایێ دارڤەکرنێ ھاتن جەزاکرن. ل گۆری ڤێ یەکێ جەزایێ دارڤەکرنێ ل رهئووف شێخ ئەحمەدی، محهمهد فهراجی و موحسن ئیسلامگاھ ھاتە برین.
ل گۆری ڤێ یەکێ دادگەھێ ب سووچا “دژمناتیا ل خوەدێ” و خەرابکاریا ل سەر روویێ ئەردێ” جەزایێ دارڤەکرنێ ل وان بریه.
ھاتە راگھاندن کو شێخ ئەحمەدی د 26ێ کانوونا 2022ێ دا ل بۆکانێ ھاتە بنچاڤکرن، پشترە ئەو برن ناڤەندا ئیستیخباراتێ یا ل ئورمیەیێ و ل ڤێ دەرێ ب قاسی پێنج مەھ و نیڤان ئاگاھی ژێ نەھاتە وەرگرتن. ھاتە گۆتن، محهمهد فهراجی ژی 11ێ چلەیا 2023ێ دەمەکە کورت پشتی بنچاڤکرنێ برن ھەمان ناڤەندێ.
موحسەن ئیسلامگاھ ژی کو دەما ھاتە بنچاڤکرن 16 سالی بوو برن یەکینەیا ئیستیخباراتێ یا ل ئورمیەیێ و 40 رۆژی ئاگاھی ژێ نەھاتە وەرگرتن، پشترە ئەو برن گرتیگەھا بۆکانێ.
پارێزڤانێن مافێن مرۆڤان دبێژن، ھەرسێ گرتی د بنێ چاڤان دە ب ئێشکەنجەیێ و زۆرێ ئیفادەیا وان ھاتیە وەرگرتن.
