ئۆجالان: پرسگرێكا كوردان نه یهكێتییا نهتهوهیه، بهلكو یهكێتییا دهمۆكراتیكه !!
رێبەرێ پەکەکێ عەبدولڵا ئۆجەلان پەیامەک بۆ کۆنفرانسا “کوردێن باکوور یەکێتیا خۆ یا نەتەوەیی گۆتوبێژ دكهن” یا كو ل ئامەدێ دهێته سازكرن، شاند و تێدا گۆتیه كو: پرسگرێكا كوردان نه یهكێتییا نهتهوهیه، بهلكو یهكێتییا دهمۆكراتیكه!!.
ئۆجەلان د پەیاما خۆ دا داخوازا یەکێتیێ کرییه و دیار کر کو سازكرنا کۆنگرەیەکا بەرفرهـ یا یەکێتیا دیموکراسی بۆ دهستخستنا ئاقلهكێ هەڤپشک و ئیرادەیهكا هەڤپشک ئەرکەکێ لەزگینە.
کۆنفرانسا ئینسیاستێفا یەکێتیا دیموکراتیك ل هۆلا کۆنفرانسان یا «عەلی ئەمیری» یا سەر ب شارهدارییا مەزن یا ئامەدێ ڤە دهێتە ئەنجام دان. پەیاما ئۆجەلان ژ ئالیێ حلمی ئایدۆغدو یێ ژ سکرتارییا ئینسیاستیفا یەکێتیا دیموکراسی ڤە هاتە خواندن.
د پەیاما عەبدولڵا ئۆجەلانی دا ئەڤ چەندە هاتییە گۆتن:
“بهشدارێن هێژا، بەردەوامیا هەبوونا جڤاکەکێ راستەوخۆ ب هێزا وێ یا گوهۆرینێ ل گۆر راستیێن سەردەمی ڤە گرێدایی یە. هەر ئاڤاهیەکا جڤاکی یا کو خوه نەگوهۆریت، خۆ نەکەتە دیمەنەکێ نوو و دینامیکێن خۆ یێن ناڤخوەیی ل سەر بنەمایەکێ دیموکراسی ژ نوو ڤە ئاڤا نەکەت، نەشێت بەردەوام بیت.
کورد ژی ژ بەر سیاسەتێن ئینکارێ، ژناڤبرنێ و زۆرداریێ کو ب سالانە دگەل روو ب روو بووینە، ژ دەرفەتا وێ یێ کو ڤێ گوهۆرینێ ب رەنگەکێ سروشتی ئەنجام بدەن بێپار کرینە. ئارێشهیا سەرەکی یا ئەڤرۆ ل بەرانبەری مە، ئەوە: کورد دێ چەوا ببن جڤاکەکێ دهمۆكراتیك و نووخواز؟
کورد؛ ب دیرۆک، زمان، چاند و تەڤنا خۆ یا جڤاکی راستییەکن. بەردەوامیا ڤێ راستیێ ب وێ چەندێ ڤە گرێدایی یە کو بشێن ل قادا سیاسەت، ئابووری، پەروەردە، ساخلەمی و چاندێ ئیرادەیا خۆ ئاشکرا بکەن. ئەڤ چەندە ژی تنێ ب ئاڤاکرنا دامەزراوەیێن بهێز یێن سیاسی و جڤاکی دبیت.”
“جڤاکا دهمۆكراتیك پێدڤی ب پێڤاژۆیا ئاڤاکرنێ یا ب ئاقلانه هەیە. ئەڤ ئاڤاکرنە نە ب توندوتیژیێ و نە ژی ب زۆرداریێ دگەهیتە ئەنجامی. ئەڤ چەندە ب رێکخستنبوونا جڤاکی یا پرئالی یا کو ل سەر بنەمایێ سیاسەتا دهمۆكراتیك و یاسایێ دهێتە مەشاندن، دبیت.
“ژ بەر ڤێ یەکێ دڤێت جڤاکا کورد نە تنێ ل هەمبەری دەرڤە، بەلکو د پەیوەندیێن خۆ یێن ناڤخوەیی دا ژی، ژ نوو ڤە ئاڤاکرنەکا کو خۆ ب پرەنسیپێن دهمۆكراتیك ڤە گرێدابیت، بکەتە بنەما. رێیا یەکێتیا دهمۆكراتیك ب دانوستاندنێن دهمۆكراتیك ره دەرباز دبیت.
سازكرنا کۆنگرەیەکا بەرفرهـ یا یەکێتیا دهمۆكراتیك، بۆ دهستخستنا ئاقلێ هەڤپشک و ئیرادەیا هەڤپشک ئەرکەکێ لەزگینە.”
“لێ د بەرانبەری ڤێ پێڤاژۆیێ دا، سیستەمێ عەشیرەتگەری و قەبیلەگەریێ و پەیوەندیێن تەنگ یێن کو جڤاکێ پارچە دکەن، وەکی ئاستەنگەکا گرنگ د راوەستن. بێی کو ئەم روو ب روو ل گەل ڤێ راستیێ بین، ئاڤاکرنا یەکێتیا دهمۆكراتیك زهحمهته.
سەردەمێ ل بەرانبەری مە، بۆ جڤاکا کورد سەردەمێ ژ نوو ئاڤاکرنێ یە. بنەمایێ ڤێ ئاڤاکرنێ ژی دێ یەکێتیا دهمۆكراتیك، سیاسەتا دهمۆكراتیك و دانوستاندنێن دهمۆكراتیك بن.
ئەز ب حەژێکرن و رێزێن خۆ یێن بێسنوور سلاڤان ل هەوە دکەم.”
عەبدولڵا ئۆجەلان / ئیمرالی
