مەسروور بارزانی ژ بۆ کۆچا داوی یا فارووق رەفیق پەیاما سەرساخیێ بەلاڤ کر
سەرۆکێ حکوومەتا ھەرێما کوردستانێ مەسروور بارزانی، ژ بۆ کۆچا داوی یا نڤیسکار و ھزرمەندێ ناڤدارێ کورد فارووق رەفیق، پەیامەکە سەرساخیێ ئاراستەیی مالبات و دۆستێن وی کر. نڤیسکارێ ناسکری فارووق رەفیق، ئیرۆ ل ھەولێرا پایتەخت کۆچا داویێ کر.
سەرۆکێ حکوومەتێ مەسروور بارزانی، ئیرۆ سێشەمێ (28ێ نیسانا 2026ێ) د پەیاما خوە دە ھەڤخەمیا خوەیا کوور نیشان دا و راگھاند: “ژ بۆ کۆچا داویێ یا ھزرمەند و نڤیسکارێ ناسکری یێ کورد فارووق رەفیق، ئەز سەرساخیێ ژ مالبات، کەسووکار، دۆست و ھەڤالێن وی رە دخوازم و ئەز ھەڤبەشێ خەما وانم.”
سەرۆکوەزیر مەسروور بارزانی د بەردەوامیا پەیاما خوە دە رێز و حورمەتا خوە ژ بۆ خەباتێن رەوشەنبیری یێن نڤیسکارێ رەحمەتی نیشان دا و گۆت: “خودایێ مەزن جانێ وی ب بھشتێ شاد بکە و سەبر و ھەدارێ بدە مالباتا وی ژی.”
فارووق رەفیق، کو وەک نڤیسکار و رەوشەنبیرەکی خوەدی باندۆر د قادا ھزری و وێژەیی یا کوردستانێ دە دھات ناسکرن، ئیرۆ 28ێ نیسانا 2026ێ ل مالا خوەیا ل باژارێ ھەولێرێ کۆچا داوی کر. مرنا وی د ناڤا جڤاکا نڤیسکار و رەوشەنبیران دە وەکی ونداھیەکە مەزن ھات دیتن.
