قارایلان دیار کر کو ئەو راستیا کو شاندەیا پارتیا دەمێ مەھەکە نەکاریە ب عهبدوللا ئۆجالان رە ھەڤدیتنێ بکە، ب رەوشا پێڤاژۆیێ ڤە گرێدایی یە، و ئەڤ رەوش نە نۆرمالە.
ههروهها گۆت: “راستیا کو د مەھا نیسانێ دە، کو ژ ھێلا حكوومهت و رایەدارێن ئاکهپێ ڤە وەکی مەھا دەرخستنا قانوونێن چارەسەریێ ھاتبوو دەستنیشانکرن و ھەر کەس ب کەلەجان ل بەندێ بوو، لێبهلێ ب ئاپۆ رە ھەڤدیتن پێک نەھاتن، نە تەنێ نەنۆرمالە، لێ د ھەمان دەمێ دە نیشانەک خەتەرەیێیە ژ بۆ پێشەرۆژا پێڤاژۆیێ.
پێڤاژۆ ھاتیە جەمداندن… ئەم ڤێ یەکێ دبینن.
قارایلان دیار کر کو پێڤاژۆ ژ ئالیێ حكوومهتێ ڤە ھاتیە جەمداندن و گۆت، “ئەرێ، ژ نھا ڤە پێڤاژۆ ھاتیە جەمداندن. ئەڤ یەک ژ مە رە ھاتیە نیشاندان و ئەم دبینن. پشتی ڤێ نیقاشێ، ب زەلالی تێ دیتن کو ھێزێن بریاردانێ ژ بەر پێشکەتنێن ھەرێمی و ھەر وەھا ھن پێڤاژۆیێن ناڤخوەیی، راوەستاندن یان پاشخستنا گاڤان گونجاو دیتنە.
