نێچیرڤان بارزانی و سەرۆکێ ئیماراتێ رەوشا ناڤچەیێ گۆتووبێژ دکن

سەرۆکێ ھەرێما کوردستانێ نێچیرڤان بارزانی ئیرۆ 30ی نیسانێ ل ئەبوزه‌بی ژ ئالیێ سەرۆکێ دەولەتا ئیماراتێ شێخ محەمەد بن زاید ئال نەھیان ڤە ھات پێشوازیکرن و پشترە جڤیان.

ل گۆری داخویانیا سەرۆکاتیا ھەرێما کوردستانێ، “د جڤینێ دە پێشخستنا تێکلیێن ئیماراتێ یێن ب ئیراق و ھەرێما کوردستانێ رە و خورتکرنا ئاسۆیێن ھەڤکاریا ناڤبەرا وان د ھەموو قادان دە ھاتن گۆتووبێژکرن، ب ئاوایەکی کو خزمەتا بەرژەوەندی و گەشەپێدانا ھەر دو ئالیان بکە.”

ھات دیارکرن کو “ھەر دو ئالیان ل سەر گەشەدانێن داوی و ئەنجامێن مەترسیدارێن رەوشا ناڤچەیێ یا ل سەر ئاساییش و ئارامیا ناڤچەیێ و ناڤدەولەتی، نێرینێن خوە پارڤە کرن. د ڤێ دەربارێ دە تەکەزی ل سەر گرنگیا کارێ ھەڤبەش و بھێزکرنا ھەڤاھەنگی و ھەڤکاریا ھەڤبەش کرن، ژ بۆ پاراستنا ئارامیێ و دوورخستنا مەترسیان.”

ھەر وھا چەند مژارێن دن یێن جھێ گرنگیپێدانا ھەر دو ئالیان، تەوەرەکە دن یا جڤینێ بوون.