باخچهلی پێگهههك ژ بۆ ئۆجالان پێشنیار کر و گۆت: دێ باشتر خزمهتا تركیهیێ كهت
سەرۆکێ گشتییێ مهههپێ دەولەت باخچهلی راگھاند کو گۆتووبێژکرنا ستاتویا عهبدوللا ئۆجالان گرینگە و پێشنیار کر کو ئۆجالان ب ناسناڤێ «کۆردیناتۆرێ پێڤاژۆیا ئاشتیێ و سیاسیبوونێ» کار بکە.
دەولەت باخچهلی ئیرۆ رۆژا سێشهمی 5 گولانا 2026ێ د جڤینا کۆما مهههپێ یا پارلامەنتۆیا ترکیەیێ دە ئاخڤی. د رۆژەڤا باخچهلی دە پێڤاژۆیا چارەسەریێ و مژارا ئۆجالان ھەبوو.
باخچهلی دیار کر کو پێڤاژۆیا نھا پرۆژەیەکە پاشەرۆژێ یە و ژ بۆ بپێشکەتنا ترکیەیێ گەلەکی گرینگە.
سەرۆکێ مهههپێ د ئاخافتنا خوە دە بال کشاند سەر ئارمانجا پێڤاژۆیێ و گۆت: ترکیەیەکە بێتەرۆر نە تەسلیمیەتە و نە بازارییا ل گەل رێخستنا تەرۆرێ یە. ترکیەیەکە بێتەرۆر مژارەکە ژیانی و گرینگە.
باخچهلی جارەکە دن قالا ستاتویا رێبەرێ پهكهكێ عهبدوللا ئۆجالان کر و راگھاند کو ژ بۆ وان گۆتووبێژکرنا پۆزیسیۆنا ئۆجالان گرینگە.
باخچهلی خوەست کو رێبەرێ پهكهكێ د بن ناڤەکی دە ئەرکێ خوە ب جھ بینە و گۆت: ژ بۆ ستاتویا ئۆجالان پێشنیارا ناڤێ «کۆۆردیناتۆرێ پێڤاژۆیا ئاشتیێ و سیاسیبوونێ» دكهم.
باخچهلی گۆت: دڤێ ئەڤ یەک ب ئاوایەکی کو د بەرژەوەندیا کۆمارا ترکیەیێ دە بە و خزمەتا ئارمانجا تركیهیا بێتەرۆر بکە، بێ نرخاندن.
