سەزای تەمەلی: نەحەقیەک مەزن ل ھەمبەری دەمیرتاش تێ کرن
جیگرێ سەرۆکێ فراکسیۆنا دەم پارتیێ راگھاند کو ھەر کەس ل بەندا پێشکەفتن و پێنگاڤێن نوو یێن د وارێ قانوونی دە یە و دڤێ پێشنیارێن قانوونان بێن نیقاشکرن.
جیگرێ سەرۆکێ فراکسیۆنا دەم پارتیێ سەزای تەمەلی د داخویانیەکێ دە راگھاند: “پێدڤییە ھەر پێشنیارەکە قانوونییا کو ھاتیە ئامادەکرن دەربازی ناڤ ئەجێندایا پارلامەنتۆیێ ببە و دانوستاندن ل سەر بێن کرن داکو ببە پرۆژەقانوون.”
جیگرێ سەرۆکێ فراکسیۆنا دەم پارتیێ ھەروھا گۆت: “بریارە کو گەلەک قانوونێن نوو بێن پێش؛ لێ ئەم دبینن کو گوھەرتنا د ھن قانوونان دە ھەتا جۆتمەھێ ھاتیە پاشخستن.”
سەزای تەمەلی ھەروەسا بال کشاند سەر رەوشا گرتیێن سیاسی و گۆت: “نەھەقیەکە مەزن ل ھەمبەری گرتیێن سیاسی ھەیە. دادگەھا مافێن مرۆڤان یا ئەورۆپایێ سێ جاران بریارا ئازادکرنا سهلاحهددین دەمیرتاش دایە؛ ھەروھا بریارێن دادگەھا دەستووری و پەیماننامەیێن مافێن مرۆڤان یێن ئەورۆپایێ ھەنە، لێ تەڤی ڤان ھەمیان ژی ھین دەمیرتاش و یوکسەکداغ د زیندانێ دە مانە.”
ھەڤسەرۆکێ بەرێ یێ ههدهپێ سهلاحهددین دەمیرتاش نێزیکی 10 سالانه کو د زیندانێ دەیە. تەڤی کو دادگەھا مافێن مرۆڤان یا ئەورۆپایێ و دادگەھا دەستووری یا ترکیەیێ ژی گەلەک جاران بریارا ئازادکرنا وی دایە، لێ حکوومەتا ترکیەیێ ھەتا نھا ئامادە نینە وان بریاران ب جھ بینە.
