مەزلووم عه‌بدی: دێ ھەرم ترکیەیێ و ب ئۆجالان رە بجڤم

فەرماندارێ گشتییێ هه‌سه‌دێ مەزلووم عه‌بدی راگھاند کو ئامادەھی ژ بۆ زیارەتا ترکیەیێ تێ کرن و دبە کو ئەو ب عه‌بدوللا ئۆجالان رە بجڤن.

مەزلووم عه‌بدی ژ مالپەرا ئال مۆنیتۆرێ رە ئاخڤی و دا زانین کو ژ بۆ زیارەتا ترکیەیێ ئامادەھی تێ کرن و دبە کو د دەمەکە نێزیک دە ب عه‌بدوللا ئۆجالان رە ھەڤدیتنەک پێک وەرە.

مەزلووم عه‌بدی ل سەر پێڤاژۆیا تەڤلیبوونا ب شامێ رە ئاگاھی دان، وی دەستنیشان کر کو نھا کارێ وانێ ھەری سەرەکە ئەوە کو ب شامێ رە پەیمانەکێ بکن.

مەزلووم عه‌بدی به‌حسا هه‌رێمێ رۆژئاڤا كر و گۆت: دڤێ ھەرێمێن کوردان ژ ئالیێ خەلکێ خوە ڤە وەرن برێڤەبرن.

باژارێن کو پێکھاتەیێن جودا تێ دە دژین دێ ب رێیا پەیمانا ھەموو پێکھاتەیان وەرن برێڤەبرن.

مەزلووم عه‌بدی، باژارێن وەکی حه‌سه‌كێ، کۆبانی، عەفرین، شەھبا و تاخا شێخ مەقسوود یا حەلەبێ وەکی میناک نیشان دان.

فەرماندارێ گشتییێ هه‌سه‌دێ ل سەر چارەنڤیسا یەکینەیێن پاراستنا ژنێ (یپژ) ژی ئاخڤی و گۆت: شام پێشنیار دکە کو شەرڤانێن ژن ببن پۆلیس. ژ بەر کو د قانوونێن ئارتێشێ دە جھێ ژنێن شەرڤان نینە.