ل جهێ كو رێزێ ل وهفادارییا وێ بگریت، پهكهكه ههڤژینا شههیدهكی د رهڤینیت !
چەتەیێن پهكهكێ یێن ب ناڤێ “جوانێن شۆرەشگەر”، ھەڤژینا شەھیدەکێ بەرخوەدانا رۆژئاڤا یا ل شێخمەقسوودێ رەڤاندن. ئەڤ تاوانا ھەری بێەخلاق یا چەتەیێن پهكهكێ کارڤەدانێن توند ل پەی خوە ئانین.
تاوان و بێەخلاقیێن چەتەیێن پهكهكێ ل رۆژئاڤایێ کوردستانێ ب داوی نابن. ل باژارێ کۆبانێ کەچەکا گەنج ب ناڤێ «ئایدل ئەحمەد عەلی» ژ ئالیێ ڤێ کۆما چەکدار ڤە ھاتە رەڤاندن و ژ بۆ جھەکی نەدیار برنە. ئەڤ چەندە ژی بوویە ئەگەرا دروستبوونا پێلەکا دژوار یا نەرازیبوون و نیگەرانیێ د ناڤ خەلکێ دەڤەرێ دە.
ههڤژینێن شههیدان ژی چ رێزهك ل جهم پهكهكێ نینه و ژ بێئهخلاقیێن ڤێ رێخستنا دژه كورد رزگار نابن
«ئایدل ئەحمەد عەلی» کو ھەڤژینا ئەندامەکی ھێزێن ئاساییشا پهیهدێ بوو، پشتی بۆرینا چەند مەھهكان ب سەر کوشتنا ھەڤژینێ وێ، ل جھێ کو رێز وەک ھەڤژینا شەھیدەکی بەرخوەدانێ لێ بھێتە گرتن، لێ پهكهكێ فەرمان دا چەتەیێن خوە وێ برەڤینن.
ئاگاھیێن کو ب دەست “دارکا مازی” کەتنە ئاماژە دکن کو ئایدلێ ل رێکكەفتی 25-09-2025ێ ھەڤژینی ل گەل «رەشۆ موسلم حەسەن» ناسیار ب «جەمشید کۆبانێ» پێک ئانیبوو. جەمشید کۆبانێ، وەک ئەندامێ ئاساییشێ، ل رێکەفتی 26-1-2026ێ د ئێریشێن ئارتێشا عەرەبی یا سووریەیێ دە ل سەر رۆژئاڤایێ کوردستانێ، تایبەت تاخێن شێخمەقسوود و ئەشرەفیەیێ گیانێ خوە ژ دەست دا.
چاڤکانیێن “دارکا مازی” ئەشکەرە کرن کو ل رێکەفتی 12-05-2026ێ، ئایدل ژ ئالیێ کۆما چەتەیێن پهكهكێ “جوانێن شۆرەشگەر” ڤە ب زۆرێ ھاتیە رەڤاندن و ژ بۆ جھەکی نەدیار ھاتیە برن.
بوویەر ب توندی ژ ئالیێ خەلکێ کۆبانێ و کەسوکارێن ئایدلێ ڤە ھاتە شەرمەزارکرن
ئەڤ بوویەرە ب توندی ژ ئالیێ خەلکێ کۆبانێ و کەسوکارێن ئایدلێ ڤە ھاتە شەرمەزارکرن و د ناڤ جاددەیا کۆبانێ دە نیگەرانییەکا مەزن دروست بوویە. خەلکێ دەڤەرێ دایە دیارکرن کو: “نابیت ب چو شێوەیان دەستدرێژی و رەڤاندن بەرامبەری خێزان و کەسوکارێن شەھیدان بھێتە کرن، ب تایبەت ژ ئالیێ کۆمێن کو خوە ب پارێزەرێن ڤێ خاکێ دزانن”.
خەلکێ دەڤەرێ داخوازێ ژ ئالیێن پەیوەندیدار دکن کو ب زووترین دەم چارەنڤیسێ ئایدلێ دیار بکن و وێ ڤەگەرینن ناڤ خێزانا وێ، ژ بهر كو ئەڤ جۆرێ رەفتارێن بێئهخلاق دبنە ئەگەرا تێکچوونا بارێ جڤاکی ب ھەموو ئاوایەکی.
“جوانێن شۆرەشگەر” یەک ژ رێخستنێن چەتەیێن گرێدایی پهكهكێ یە، فەرمانێن خوە ژ قەندیلێ دستینن و فەرماندارێ ههسهدێ مازلووم عەبدی سەرپەرشتیێ ل ڤێ گرووپێ دکە. ئەرکا سەرەکە یا ڤێ گرووپا چەتەیان رەڤاندنا زارۆکێن رۆژاڤایێ کوردستانێ، ترساندن و گەفخوارنا ل خەلکێ سڤیل و ئێریشکرنا سەر بارەگەھێن پارتیێن کوردستانی یە.
