سەرۆک بارزانی: پێشمەرگە شانازیا ھەری بلندە

سەرۆک مەسعوود بارزانی د پەیامەکێ دە گۆت، “سلاڤ ل ھەموو وان قەھرەمانێن کو ریا پێشمەرگەتیێ ھلبژارتنە و ئەڤ ئەرکێ پیرۆز گرتنە سەر ملێ خوە”.

سەرۆک مەسعوود بارزانی ئیرۆ چارشەمێ، 20ێ گولانا 2026ان، پەیامەک ل سەر حەسابێ خوە یێ تۆرا جڤاکی “X” وەشاند و تێ دە، سلاڤ ل گیانێ شەھیدان و ھەموو پێشمەرگەیێن کو نھا ل سەر ئەرکێ خوە نە، کر.

سەرۆک بارزانی د پەیاما خوە دە وھا گۆت: “سلاڤ ل گیانێ پاکێ وان پێشمەرگەیێن کو خوینا وان یا سۆر، بوویە ھێڤێنێ ئازادی و سەربلندیا گەلێ وان و د وێ رێیێ دە شەھید بوونە.”

سەرۆک بارزانی دەربارێ پێشمەرگەیێن ل سەر سەنگەران دە گۆت: “سلاڤ ل ھەموو وان قەھرەمانێن کو ریا پێشمەرگەتیێ ھلبژارتنە و ئەڤ ئەرکێ پیرۆز گرتنە سەر ملێ خوە؛ ئەز چاڤێن وان ماچ دکم. پێشمەرگە شانازیا ھەری بلندە.”