ل گورەی راپۆرتەکا رۆژنامەیا “Yeni Özgür Politika”، راپرسیەکا نوو ل تورکیایێ نیشان ددەت کو باوەرییا گشتی ب پرۆسەیا نوو یا ئاشتیێ د ناڤبەرا حکومەتا تورکیایێ و پەکەکێ دا گەلەک کێم بوویە. د وێ راپرسیێ دا، کو ژ لایێ سەنتەرێ “SAMER” هاتیە ئەنجامدان، دیار بوویە کو بتنێ %21.8 ژ پشکداران باوەر دکەن کو ئەڤ پرۆسەیە ب ئەنجامەکێ ئەرینی ب دوماهی بێت، د دەمەکێ دا کو نێزیکی نیڤا خەلکی ب تەمامی بێهێڤی بوونە و چ باوەری ب ڤێ پێنگاڤێ نینە.
د راپرسیێ دا هاتیە دیار کرن کو پتریا پشکداران (%40.7) حکومەتێ ب بەرپرسیارا سەرەکی یا سەرکەفتنا ڤێ پرۆسەیێ دزانن، بەلێ زێدەتر ژ نیڤا وان دبێژن کو ئەڤ ئالیێن بەرپرس ئەرکێ خۆ ب دروستی بجهـ نائینن.
پرۆسهیا ئاشتیێ کو ژ ئۆکتۆبەرا 2024ێ وەرە دەستپێکریە و ژ لایێ حکومەتا ئاکپارتیێ و هەڤپەیمانێ وێ دەولەت باخچەلی (سەرۆکێ مەهەپێ) دهێتە پشتەڤانیکردن، نوکە تووشی ئارێشەیان بوویە.
ئالیێن کوردی حکومەتێ تاوانبار دکەن کو د دهرێخستنا یاسایان دا خاڤە، د هەمان دەم دا ئەنقەرە داخوازێ دکەت کو پێدڤییه پەکەکە بەری هەر تشتەکی چەکێ خۆ دانیت.
