سەرۆکێ فراکسیۆنا پارتیا وەکھەڤی و دەمۆکراسیێ یا گەلان (دەم پارتی) و پارلامەنتەرێ مووشێ سەزای تەمەلی راگھاند کو شاندەیا ئیمرالیێ سبە، یانی د 24ێ گولانێ دە، بەر ب گراڤا ئیمرالیێ ڤە ب رێ دکەڤە. تەمەڵی دەستنیشان کر کو ئەڤ سەردان ب ئارمانجا پێکانینا ھەڤدیتنەکە نوویە.
سەرۆکێ فراکسیۆنا دەم پارتیێ سەزای تەمەلی، کو وەکی مێهڤان تەڤلی بەرنامەیەکە تایبەت یا تەلەڤیزیۆنا ئیلکە تیڤی بوو، ھوورگولیێن ل سەر پێناسە و ئەندامێن شاندەیا کو دێ بچن گراڤێ پارڤە کرن. تەمەڵی دیار کر کو د ناڤا شاندەیا سەردانێ دە پەرڤین بولدان، میتحەت سانجار و پارێزەر فایق ئۆزگور ئەرۆل جھ دگرن.
ل گۆری زانیاریێن کو ھاتنە پارڤەکرن، ئەڤ ھەڤدیتنا نوو پشتی ناڤبەرەکێ پێک تێ؛ ژ بەر کو شاندەیا ئیمرالیێ ھەری داوی د 27ێ ئادارێ دە چووبوو گراڤێ و ھەڤدیتنەک پێک ئانیبوو. تێ پایین کو د ڤێ سەردانا سبە دە ژی گەشەدانێن سیاسی و مژارێن د رۆژەڤێ دە وەرن گۆتووبێژکرن.
