کۆمیتا بلندا ھلبژارتنان و پارێزگارێ حەسەکێ ژ بۆ ئامادەکاریێن ھلبژارتنان جڤیان

کۆمیتا بلندا ھلبژارتنان یا ئەنجوومەنا گەل و پارێزگارێ حەسەکێ روونشتنەکە گرنگ پێک ئانین و تێ دە ئامادەکاریێن تەکنیکی و ئیداری یێن گرێدایی پرۆسەیا ھلبژارتنان گۆتوبێژ کرن. ئەڤ جڤین د چارچۆڤەیا ئامادەکاریێن بەرفرەھێن ژ بۆ سەرکەفتنا قۆناغا بهێت یا ھلبژارتنان ھات لدارخستن.

د ڤێ چارچۆڤەیێ دە، ئیرۆ شاندەکە فەرمی یا کۆمیتا بلندا ھلبژارتنان یا ئەنجوومەنا گەل سەرەدانا پارێزگەھا حەسەکێ کر. ئارمانجا سەردانێ شۆپاندنا کار و خەباتێن ل سەر ئەردێ و مسۆگەرکرنا ھەڤاھەنگیێ د ناڤبەرا سازیێن پەیوەندیدار دە بوو.

شاندا مێڤان ل گەل پارێزگارێ حەسەکێ و ئەندامێن کۆمیتێن شاخی یێن بازنەیێن ھلبژارتنێ یێن قامشلۆ و حەسەکێ جڤیا. د جڤینێ دە رێڤەبرێ رێڤەبەریا کارووبارێن سیاسی عەباس حسێن ژی ئامادە بوو و ل سەر پلانسازیا پاراستن و برێڤەبرنا سندۆقێن ھلبژارتنان راوەستیان.

د داویا روونشتنێ دە، ھەموو ئالیان ل سەر دابینکرنا مەرجێن گونجاو ژ بۆ پرۆسەیا ھلبژارتنان ل ھەڤ کرن. ھات دەستنیشانکرن کو “ھەموو ئامادەکاریێن لۆژیستیک و قانوونی ھاتنە نرخاندن دا کو وەلاتی کاربن ب ئاوایەکی ئازاد و بێ ئاستەنگی دەنگێن خوە ب کار بینن.”