ئەمین عیسا بەری 5 سالان د زیندانهكا پهیهدێ دە ب ئیشکەنجەیێ ھات شههید كرن؛ قاتل بێی جهزا مان !!
جوانێ کورد یێ ب ناڤێ ئەمین عیسا بەری 5 سالان د گرتیگەھەکە د بن کۆنترۆلا پهیهدێ دە ھاتبوو قەتلکرن. د سەر قەتلکرنا عیسا رە 5 سال دەرباس بوون. قاتل هێژ ژی ل دەرڤە نە.
جەنازەیێ باڤێ 2 زارۆکان ئەمین عیسا (35) یێ کو د 22یێ گولانا 2021ان دە ل باژارێ حهسهكێ یێ رۆژئاڤایێ كوردستانێ ژ ئالیێ ھێزێن ئەولەھیێ یێن سەر ب رێڤەبەریا خوەسەر یا رۆژئاڤا ڤە ھاتبوو دەستەسەرکرن، د 28ێ خزیرانا 2021ان دە رادەستی مالباتا وی ھاتبوو کرن.
وێنەیێن جەنازەیێ عیسایێ شەوتی و ئیشکەنجەکری ژ ئالیێ مالباتا وی ڤە ھاتبوون گرتن. د دیمەنان دە ب ئاوایەکی زەلال دیار دبوو کو عیسا ئیشکەنجە دیتیە.
ھەر وھا ل سەر جەنازەیێ وی شۆپێن ئیشکەنجەیێ یێن کو ژ ئالیێ پزیشکان ڤە ھاتبوون تەسپیتکرن ھەبوون: ل گۆری ڤێ، ددان و ھەستیێ چەنەیا ئەمین عیسا ھاتبوون شکاندن، ھەروهھا ل سەر ئەندامێ زایەندی و ل ناڤبەرا ھەر دو رانێن وی شۆپێن ئەلەکتریکێ ههبوون، ل سەر مل و پشتا وی شەواتێن کوور، ل سەر چۆکان شکەستنا ژ بەر لێدانێ و د کلۆخێ سەری دە ھەستیێن شکەستی ھاتبوون تەسپیتکرن.
پشتی کو بوویەر د مەدیایێ دە دەنگ ڤەدا، د ناڤ کوردان دە بوو سەدەما ھێرسبوونەکە مەزن و بەرتەکێن توند ھاتن نیشاندان.
پشتی کو دەولەتێن وەکی ئامهریكا و بریتانیایێ دەستوەردان د مژارێ دە کرن و بانگ کرن کو “قاتل وەرن دیتن”، رێڤەبەریا پهیهدێ سۆز دا کو دێ بوویەرێ لێکۆلین بکە. ژ بەر گرینگیا بوویەرێ، فەرماندارێ ههسهدێ مهزلووم عهبدی سەردانا مالباتێ کربوو و سۆزا لێکۆلینکرنا بوویەرێ دابوو وان.
د سەر بوویەرێ رە 5 سال دەرباس بوون. تەڤی ڤێ یەکێ، رێڤەبەریا رۆژئاڤا سۆزێن کو دابوون مالباتێ و رایا گشتی ب جھ نەئانین، بوویەر ب دەمێ رە ھات ژبیرکرن.
رەژیما ئەسەد ھلوەشیا و سازیێن سەر ب رەژیمێ ڤە ھاتن بەلاڤکرن، رێڤەبەرێن گرتیگەھان، لەشکەر و کەسێن دن یێن کو تەڤ ل کۆمکوژیان ببوون و سووچ کربوون ھاتن گرتن و دەرخستن دادگەھان. لێ رێڤەبەریا رۆژئاڤا مافێ ب دەھان کوردێن ئۆپۆزسیۆن کو د دەما وێ دە کوژەرێن وان نەھاتنه ناسکرن، وهكه کۆمکوژییا عاموودێ و بوویەرا ئەمین عیسا نەدا.
نھا ژی ئەڤ سازیێن سووچێ د بن ناڤێ ئەنتەگراسیۆنێ دە رادەستی رێڤەبەرییا شامێ تێن کرن. لێ نایێ زانین کا دێ کی جهزایێ تاوانێن کو ل رۆژئاڤایێ کوردستانێ پێک ھاتنە بدە.
