د یهكهم هلبژارتن ده ل رۆژئاڤا كوردستانێ، ئهنهكهسێ سهركهتنهك مهزن دهستخست و گهلێ كورد پهكهكه رهدكر
د یهكهم ئهزموونا ههلبژارتنان ده ل رۆژئاڤا كوردستانێ، بهربژارێن ئهنهكهسێ سهركهتن و بهربژارێن پهكهكێ و مهزلووم عهبدی هاتن رهد كرن.
پشتی پرۆسهیا ههلبژارتنێن “جڤاتا گهل” پارلامهنتۆیێ ل رۆژئاڤا كوردستانێ ب داوی بووین، كۆمیتهیا بلند یاههلبژارتنان ل سووریێ ئهنجامێن هلبژارتنێ ئاشكهره كرن، ئهنهكهسێ و پارتیا دهمۆكرات ل باژارێن قامشلۆ، حهسهكێ، كۆبانێ و دێركێ سهركهتن و پهكهكه ل رێزێن دویهم و سێیهمین هاتن.
ئیرۆ رۆژا یهكشهمی 24 گولانا 2026ێ هەلبژارتنێن ئەندامێن “جڤاتا گەل” ل هەر ئێک ژ حەسەکێ، قامشلو، کۆبانێ و دێرکێ برێڤەچوون، د دەمەکێ دا کو هەلبژارتن ل عەفرینێ و تەل عەرانێ ل 5 جۆتمهها 2025ێ هاتبوونە ئەنجامدایین.
ل بازنهیان دهنگ ووسا بوون:
بازنهیا قامشلو:
رضوان سيدو – نوونهرێ ئهنجومهنا نیشتمانییا کوردی ئهنهكهسێ 160 دەنگ.
عبدالحليم العلي – ژ پێکهاتهیا عهرهب 142 دەنگ.
كيم ابراهيم نوونهرێ جڤاکێ سڤیل و بەربژارێ مەزلووم عهبدی 139 دهنگ.
محمود الماضي ژ پێکهاتهیا عهرهب 139 دەنگ.
بازنهیا حەسەک:
ابراهيم العلي ژ پێکهاتهیا عەرەب 122 دەنگ.
عمر الهايس ژ پێکهاتهیا عەرەب 113 دەنگ.
فصلة يوسف ژ ئهنجومهنا نیشتمانییا کوردی 86 دەنگ.
بازنهیا دێرکێ:
احمد مراد ژ جڤاکێ سڤیل بەربژارێ پارێزگاری و مەزلووم عهبدی.
علي العايد ژ پێکهاتهیا عەرەب ب تهزکیە سەرکەفت.
بازنهیا کۆبانێ:
فرهاد شاهين ژ ئهنجومهنا نیشتمانییا کوردی ل سووریێ ئهنهكهسێ.
شواخ العساف ژ پێکهاتهیا عەرەب.
بازنهیا عهفرینێ:
شيخ سعيد شيخ إسماعيل زادة ژ پارتی دیموکراتی کوردستان _ سووریا.
محمد سيدو ژ پارتی دیموکراتی کوردستان _ سووریا.
رنكين عبدو سەربەخۆ (بێلایەن).
ئهنهكهسه ل پرانییا بازنهیان پێش پهكهكێ هات
ل بازنهیا قامشلۆ بهربژارێ ئهنجومهنا نشتیمانییا كوردی ئهنهكهسێ یێ ب ناڤێ “رزوان سهیدۆ ” پتریا دهنگان ب دهست خستنه و ل رێزا یهكێ هاتییه، ل دهمهكێ بهربژارێ پهكهكێ و مهزلووم عهبدی یێ ب ناڤێ “كیم ئیبراهیم ” ل رێزا سێیهمین هاتییه، بهربژارێ پێكهاتهیا عهرهب ژی “عهبدولحهلیم ئهل عهلی ” رێزا دویهمین ب دهست خستییه.
ههروهها ل بازنهیا حهسهكێ ژی بهربژارێ ئهنهكهسێ ل رێزا سێیهم هاتییه كو رێزا یهكهم و دویهم بهربژارێن پێكهاتهیا عهرهب بوون. پهكهكێ ژی چ تشتهك ل حهسهكێ دهست نهخستییه.
ل دهمهكێ ل دێركێ دو بهربژار ئهو ژی “ئهحمهد موراد ” كو بهربژارێ مهزلووم عهبدی و پارێزگاری بوو و ههروهها “عهلی ئهل عاید” ژ پێكهاتهیا عهرهب كو ئهو ژی ب تهزكیه سهركهتییه.
ل باژارێ كۆبانێ ژی بهربژارێ ئهنهكهسێ “فهرهاد شاهین” رێزا یهكم ئانیه و “شواخ عهساف ” ژ پێكهاتهیا عهرهب رێزا دویهمین.
هێژای گۆتنێ یه ل عهفرینێ ژی كو پێشتر هلبژارتن هاتبوو ئهنجامدایین، بهربژارێن پارتییا دهمۆكراتا كوردستانا سووریێ “شێخ سهعید ئیسماعیل زاده” و “محهمهد سهیدۆ” رێزا یهكهم و دویهم دهستخستنه، ههروهها بهربژارا سهربخۆ “رهنگین عهبدو” وهكه رێزا سێیهمین دهستخستییه.
نوونهرێن سهركهتی یێن كوردان د “جڤاتا گهل” یا سووریهیێ دا ئهڤن:
حەسەکە:
1- فصلة يوسف – ژ ئهنجومهنا نیشتمانییا کوردی ل سووریێ – ئهنهكهسێ.
قامشلو:
رضوان سيدو ئهنجومهنا نیشتمانییا کوردی ل سووریێ – ئهنهكهسێ – ژ پارتییا وەکهەڤی.
كيم إبراهيم ژ جڤاکێ سڤیل، بەربژارێ مەزلووم عەبدی.
دێرک:
1- أحمد مراد – ژ جڤاکێ سڤیل، بەربژارێ مەزلووم عەبدی.
کۆبانێ:
1- فرهاد شاهين ئهنجومهنا نیشتمانییا کوردی ل سووریێ – ئهنهكهسێ – ژ پارتی دیموکراتی کوردستان – سووریا.
عەفرین:
شيخ سعيد شيخ إسماعيل زادة – ژ پارتی دیموکراتی کوردستان – سووریا.
محمد سيدو – ژ پارتی دیموکراتی کوردستان – سووریا. ٣
رنكين عبدو – سەربەخۆ، بابێ وێ ژ پارتییا کۆمۆنیستا سووری یە.
تەل عەران:
1- عمر غريبو – سەربەخۆ.
ل رۆژئاڤا كوردستانێ د یهكهم پرۆسهیا دهمۆكرات و مهدهنی ده كو هلبژارتنا نوونهرێن جڤاتا گهل بوو، بهربژارێن پهكهكێ ژ هێلا گهل ڤه هاتن جهزا كرن، ئهڤ ژی پشتی ئاشكهره بوونا وێ سیاسهتا شاش یا كو پهكهكێ د ب سهدهما وێ رۆژئاڤا و گهلێ وێ ل بن ناڤێ براتییا گهلان بهر ب نهمان و كۆمكوژییان ڤه بری.
