نێچیرڤان بارزانی و مەزلووم عه‌بدی جڤیان: تەکەزی ل سەر یەکرێزییا کوردی ل سووریێ ھاتە کرن

سەرۆکێ ھەرێما کوردستانێ نێچیرڤان بارزانی ئیرۆ 26.05.2026ان، پێشوازی ل فەرماندارێ گشتی یێ ھێزێن سووریەیا دەمۆکراتیک (هه‌سه‌دێ) مەزلووم عه‌بدی کر.

ل گۆری مالپەرا سەرۆکاتیا ھەرێما کوردستانێ، د جڤینێ دە، رەوشا سووریێ و کورد و پێکھاتەیێن دن ل وی وەلاتی ھاتە نیقاشکرن. ھەروھا گوفتووگۆ دەربارێ گەشەدانێن ھەرێمێ، گرینگییا پاراستنا ئارامیێ و رووبرووبوونا مەترسیێن تەرۆرێ دە، ھاتە کرن.

ژ ئالیێ خوە ڤە، مەزلووم عه‌بدی سپاسی و روومەتا خوە ژ بۆ پشتگریا بەردەواما نێچیرڤان بارزانی و سەرکردایەتیا ھەرێما کوردستانێ ژ بۆ مافێن کورد و پێکھاتەیێن ل سووریێ نیشان دا.

ھەر د جڤینێ دە، تەکەزی ل سەر پێویستیا دیالۆگ و لھەڤکرنا ئالیێن کوردی ل سووریێ ژ بۆ چارەسەرکرنا پرسگرێکان ب شامێ رە ھاتە کرن.

چەند پرسێن دن یێن جھێ گرینگیا ھەڤبەش، مژارێن دن یێن جڤینێ بوون.