د دیرۆکی دە، پر جاران رێبه‌ر و سه‌ركرده دكه‌ڤن خانه‌یا پرسێ ده کا گه‌لۆ وان خزمەتا دۆزا گەلێ خوە کریە یان ژی ژ بۆی بەرژەوەندییا نەیاران کار کرنە. دەما ئەم دپرسن کا “ئەم چاوا ئۆجالان وەک رێبەرەکی کورد ناس بکن؟”، دڤێ ئەم ل هه‌موو راستی و ھەلوه‌ستێن وی یێن به‌رێ و نها ب نه‌رن یێن كو گه‌لێ كورد راستی شۆكێ كرنه.
دەستپێکا ته‌سلیمبوونێ
ژ ئالیێ مێژوویی ڤە، پر جاران ھاتیە ئاشكه‌ره کرن کو عه‌بدوللا ئۆجالان ژ دەما گرتن و ڤەگەراندنا وی بۆ ترکیەیێ، وی سۆز دابوو کو ب دل و جان خزمەتا دەولەتێ بکە. وی ل همبه‌ری دادگەھێ سۆز دا کو پارتیا کارکەرێن کوردستانێ په‌كه‌كێ بێباندۆر بکە و بخە بن کۆنترۆلا دەولەتا ترکیەیێ. ئەڤ ھەلوه‌ست بوو بنگەھێ قۆناغەکە نوو کو تێ دە درووشمه‌یێن رزگاریخوازی ھاتن گوھەرتن بۆ په‌یمانێن ژێر ب ژێر.
27ێ سباتا 2025ێ: بجیهكرنا سۆزێ و فەسخکرنا رێخستنێ
ئۆجالان ب سالان زەمینەسازی ژ بۆ ڤێ ئارمانجا خوە دکر. هه‌ری داوی، ل 27ێ سباتا 2025ان، وی ئەو سۆزا كو دایە دەولەتێ ب تەڤاھی ب جیھ ئانی. وی ب دو گۆتنان رێخستن فه‌سخ كر و ژێ ره گۆت:
“مۆدێلا وە نەمایە، چەکان دەینن و خوە فەسخ بکن.”
ئۆجالان ئەڤ داخوازییا فه‌سخكرنێ د دەمەکێ دە كربوو کو وی چ دەستکەفتیێن دەستنیشانکری ژ بۆی گەلێ کورد نه‌خوه‌ستن، به‌لكو هه‌تا د به‌ده‌لا فه‌سخكرنا په‌كه‌كێ ده ت تشته‌ك نه‌خوه‌ست، ته‌نێ گۆت: چاره‌سه‌ری ئه‌نته‌گراسیۆن و جڤاكا ده‌مۆكراتیكه، ئانگو ده‌ستبه‌ردان ژ مافێن نه‌ته‌وی و حه‌لیانا د ناڤا ده‌وله‌تا تركیه‌یێ ده ل ژێر ناڤێ ئه‌نته‌گراسیۆنێ.
ئۆجالان ل ھەمبەر فەسخکرنا په‌كه‌كێ چ تشت بۆ کوردان نەخوەست؛ نە فەدەرالی، نە ئۆتۆنۆمی، نە خوەسەری و نە چ مافەکی بچووکێ چاندی یان سیاسی. زێدەباریێ ڤێ چەندێ، وی د هه‌ژماره‌كه بانگەوازیان دە چ جاران ژی داخوازییا لێبۆرینێ ژ دایکێن شەھیدێن کوردان نەکر، بەلکو بەره‌ڤاژی، وه‌كه چاوا وی ل سالا 1999ێ داخوازییا لێبۆرینێ ژ مالباتێن لەشکەرێن ترکێن د شەر دە ھاتنە کوشتن کر، خه‌مگینییا خوه ژی بۆ هن عه‌سكه‌رێن ترك راگهاند یێن كو د شكه‌فته‌كه باشوورێ كوردستانێ ده ب گازا مه‌تانێ فه‌تسین.
كوردان ئه‌ڤ پرس ژ ئۆجالان كر؟
باشه هوون پارتیێ «فی سبیل الله» فه‌سخ دكن قه‌ی هوون چ دخوازن، وه چما به‌رێ ب ده‌هان هه‌زارا جوانێن كوردان دا مرنێ، ئه‌ڤ 41 سالێن شه‌ر ژ بۆی چ بوون ماده‌م تو تشته‌كی ناخوازی؟!
