تۆم باراك بۆ مهزلووم عهبدی: پهیوهندیێن ل گهل پهكهكێ ببڕن و كادرۆیێن وێ ژ رۆژئاڤا دهربێخن
د جڤینا ههولێرێ ده، تۆم باراك نوونهرێ تایبهتێ سهرۆكێ ئامهریكایێ ژ مهزلووم عهبدی خوهستییه كو پێویسته پهیوهندیێن ل گهل پهكهكێ ب تهمامی وهرن قوت كرن و كادرۆیێن رێخستنێ ژ رۆژئاڤا كوردستانێ بێن دهرخستن.
رۆژا سێشهمی 16 خزیرانا 2026ێ تۆم باراك نوونهرێ تایبهتێ سهرۆكێ ئامهریكایێ بۆ ئیراق و سووریهیێ سهردانا ههولێرێ كر و ل ور ب مهزلووم عهبدی ره جڤیا.
قوتكرنا تێكلهیێن ب پهكهكێ ره ژ پێشینێن سهرهكه یێن واشنتگۆنێ یه
ل گۆری كهنالێ عهرهبیه ئهلـ حهدهث ل سەر بنگەھا چاڤکانیێن دیپلۆماتیک؛ د جڤینێ ده تۆم باراك داخوازییا واشنگتۆنێ گههاندییه مهزلووم عهبدی و ژێ ره گۆتییه كو دڤێ هەسەدە تێکلیێن خوە ب تەڤاهی ب پەکەکێ رە قوت بکە و کادرۆیێن وێ ژ باکور و رۆژهلاتێ سووریەیێ دەرخینە.
تۆم باراك ژ مهزلووم عهبدی رە راگھاند کو بداویکرنا پهیوهندیێن د ناڤبەرا ههسهدێ و پهكهكێ دە یەک ژ پێشینیێن سەرەکە یێن واشنگتۆنێ یە.
چاڤکانیان دیار کرن کو باراك نە تەنێ قوتکرنا تێکلیێن ب پهكهكێ ره، لێ د ھەمان دەمێ دە دەرخستنا ھەمی کادرۆیێن پهكهكێ ژ ھەرێمێن کوردی یێن باکورێ رۆژھلاتێ سووریەیێ ژی خوەستییه.
ئەنتەگراسیۆنا لەشکەری و ئیداری ب شامێ ره
دهربارێ ئەنتەگراسیۆنا ب شامێ رە ژی، تۆم باراك گۆتییه مهزلووم عهبدی كو ل همبهری بهردهوامییا پشتهڤانییا ئامهریكایێ یا گرێدایی پاراستنا ستاتۆیا كوردان، دڤێ ئەنتەگراسیۆنا لەشکەری و ئیداری یا هەسەدێ ب حکوومەتا شامێ رە هەتا داویا ڤێ سالێ ب داوی ببه.
هات راگهاند كو مهزلووم عهبدی ژی ب ئاوایەکی ئەرێنی بەرسڤ دایە ڤان داخوازیێن واشنگتۆنێ.
دهربارێ پەیمانێن ئابۆری و ئەنەرژیێ ژی، د ههمان جڤینا ههولێرێ ده دانوستاندن ل سەر ئیمزاکرنا پەیمانێن پەترۆلێ ب شیرکەتێن ئامەریکی رە هاتنە کرن. ل گۆری پلانێ، کوردێن رۆژئاڤا دێ ل دەستپێکێ %10 ژ داهاتیێ زەڤیان وەرگرن و د پاشهرۆژێ دە دێ زێدە بە.
سهردانا ئەورۆپایێ یا مەزلووم عەبدی
پشتی جڤینا هەولێرێ، مەزلووم عەبدی سەرەدانا ئیتالیایێ کر بۆ دیتنا بەرپرسێن وەزارەتێن دەرڤە و پاراستنێ، و دێ بەرێ خوە دەتە فرانسایێ ژی دا کو ل سەر جێبەجێکرنا ڤێ نەخشەرێیا نوو و ئەنتەگراسیۆنا ب شامێ رە باخڤیت.
