کۆبانێ.. “جوانێن شۆڕشگهر” مالباتەکا قوربانی کرە ئارمانج و کهچا وان رەڤاند
چهتهیێن پهكهكێ یێن ب ناڤێ جوانێن شۆرهشگهر كهچهكه دن یا كورد ژ باژارێ كۆبانیێ رهڤاندن و بۆ بنگههێن لهشكهركرنا ب زۆرێ ڤهگوههستن.
چاڤكانیێن داركا مازی یێن ل رۆژئاڤا كوردستانێ ئاشكهره كرن، ل داوییا مهها ئادارا ئیسال 2026ێ، چهتهیێن پهكهكێ جوانێن شۆرهشگهر كو كارێ وان رهڤاندنا زارۆكانه، كهچهكه تهمهن 16 سال ژ كۆبانێ رهڤاندن و چارهنووسا وێ نهدیاره.
چاڤكانیێن مه ئاشكهره كرن، كهچا رهڤاندی ناڤێ وێ زهینهب مستهفا محهمهد سلێمانه، ژ شێنیێن كۆبانیێ یه.
ههروهها دهستنیشان كرن، پشتی کو بابێ زەینەبێ دهوام ل پهی چارهنووسا کهچا خوه گەڕیایی، وی ل رۆژا 19 خزیرانا 2026ێ سەرەدانا بارهگهها جوانێن شۆرهشگهر یا ل تاخا “کانیا کوردان” ل باژارۆکێ کۆبانێ كر و ژ وان خوهست كو كهچا وی ڤهگهرینن. لێ بەلێ ل وهر ئالۆزی د نێڤبهرا وی و بهرپرسێن چهتهیان ده دهركهت پشتی كو چهتهیان ژێ ره گۆتی كو كهچا وی زهینهب ل جهم وان نینه. لۆما ژی چارهنووسا زهینهبێ هێژان ژی نهدیاره.
چهتهیێن جوانێن شۆرهشگهر وهكه ب سهدان كهچ و زارۆكێن كو وان ژ بۆی پهكهكێ و یهپهگێ رهڤاندنه، كهچا ب ناڤێ زهینهب ژی بۆ بنگههێن مهشقێ و لهشكهركرنا ب زۆرێ برنه.
ئەم چەندە د دەمەکی ده یه، مالباتا زهینهبێ قوربانیێن مهزن دا نه، ل داوییا مهها چلهیا ئیسالێ ب سهدهما تهقینا مایینهكێ ل سینۆرێ ناحیا عهین عیسایێ، خویشكا زهینهبێ جانێ خوه ژ دهست دبوو و دایكا وێ ژی ب گرانی بریندار كهتبوو و لنگهكێ خوه ژ دهست دا بوو.
ئهڤ یێك ژی ئیسپات دكه كو مالباتێن قوربانی ژی ژ بۆی رۆژئاڤا دانه، ژ زلم و ستهما رێخستنا پهكهكێ و چهتهیێن وێ رزگار نابن.
جوانێن شۆرهشگهر رێخستنهكه جوانان یا گرێدای پهكهكێ یه، ب تهعلیماتێن راستهراست یا جهمیل باییك تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
