“ئەول ئاپۆ، پشترە کچا من”.. پهكهكه دایکا گەریلایەکێ دکەتە کەرەستێ بانگەشەیێ
مهدیایا پهكهكێ وێنهیێن دایكا یێك ژ گهریلایێن كهچ ب ناڤێ ههیبهت ئهرۆل پارڤهكرنه و ل سهر نڤیساندیه: دهستپێكێ ئازادییا عهبدوللا ئۆجالان، پشتره یا زارۆكێن مه!!
رۆناهی ئهرۆل گهریلایهكه كهچه، وێ د مهراسیما شهوتاندنا چهكان یا ل شارباژێر ده، چهكا خوه شهوتاندبوو. ههیبهت ئهرۆل داییكا وێ یه، ئهو دوهـ د مهدیایا پهكهكێ ده دهركهت و دبێژه: «دڤێ ئازادیا عهبدوللا ئۆجالان بێ مسۆگەرکرن و پشترە ژی ئازادیا زارۆکێن مە، ئانكو ئهول ئاپۆ پشتره كهچا من». !!
رێخستنا پهكهكێ د 27 سالێن دهرباسبوویی ده، ب ههزاران كهچ و خۆرتێن كوردان خاپاندنه و ژ بۆی ئازادییا دهرهو یا رێبهرێ خوه ب دهستێ عهسكهرێ ترك دا نه كوشتن.
ئیرۆ ژی هاتییه ڤێ سیاسهتێ بهردهوام دكه و بانگهشێ بۆ خوه ب مالباتێن وان دكه.
گاڤا كو ئاخافتن ل سهر زلامێ ئیمرالیێ به، زارۆكێن كوردان، خوینا وان و رزگاربوونا ت واتایهكا خوه نینه. پەکەکە ل سهر سیاسەتا خاپاندنێ و بێ بها كرنا خوینا زارۆکێن کوردان ل پێشیا ئاپۆ بهردهوامه. ڤێ رێخستنا ئاپۆ پهرست د 27 سالێن دهرباسبوویی ده ب ههزاران زارۆكێن كوردان فهدایی ئازادییا دهرهو یا ئاپۆ كرنه.
