داخویانیەک مینا حەنەکان ژ رێڤەبەرییا كهجهكێ؛ مە ترکیە ل دژی ئیسرائیلێ ھشیار کر: “ترکیە رهوشێ شاش د خوینە”
رێڤەبەرێن پهكهكه یا ھلوەشیایی ب داخویانیێن خوە یێن کو ئیدیعا دکن کو ئەو “ژ بۆ کو ترکیێ ل سەر پیان بھێلن” دخەبتن و ل دژی ئیسرایلێ نە، بوونه مژارا چاپەمەنیێ. د دەمێن داوی دە، ئەندامێ کۆنسەیا رێڤەبەر یا كهجهكێ خەبات ئاندۆک ترکیه ل دژی خەتەرییان ھشیار کر و ئیدیعا کر کو ترکیە رهوشێ شاش د خوینە.
رێبەرێن پهكهكێ، د سەری دە عهبدوللا ئۆجالان، و دەردۆرێن پارتییا دەمێ ل باکور، ھەر تم ئیدیعا دکن کو ئهو سیاسەتەکا ل دژی دەولەتێن رۆژئاڤا و ئیسرائیلێ دمەشینن و ھەول ددن کو د ناڤ دەولەتا ترکیێ دە جھ بگرن. رێبەرێن پهكهكێ ئیسرائیلێ وەکی چاڤکانییا ھەموو خەرابیان نیشان ددن و ھەر تم پالپشتییا ترکیێ دکن کو نەھێلە ئیسرائیل کوردستانەکێ ئاڤا بکە. ئەو ھەول ددن کو ب داخویانیێن وەکی “خەتەرییهک ژ بۆ ترکیێ ھەیە، ئەوێ ترکیێ ھلوەشینن، ئیسرائیل دێ کوردستانێ ئاڤا بکە” ئەرکا ترکپەرستییێ تەڤ دگەرن. د ھەمان دەمێ دە، ترکیە، دەما کو ھەول ددە کو کوردان ل دژی دەولەتێن رۆژئاڤا و ل دژی ئیسرائیلێ راکە، ب چارەسەرکرنا پرسگرێکێن خوە یێن ب ھەردو ھێزان رە پۆزیسیۆنا خوە خورت دکە. ئۆجالان و پهكهكه ل ھەمبەری ھەلوەستا وان یا ل دژی وەلاتێن رۆژئاڤا و ل دژی ئیسرائیلێ یا ل ھەمبەر کوردان داخوازان ژ ترکیێ دکن. خهبات ئاندۆک د ھەڤپەیڤینا خوە دە ئەڤ یەک دوبارە کر.
ئەندامێ کۆنسەیا رێڤەبەر یا كهجهكێ خەبات ئاندۆک د داخویانیەکێ دە ژ ئاژانسا نووچەیان یا پهكهكێ ئانفێ رە ل سەر گەفێن ئیسرائیلێ ھشیاری دا ترکەیێ و گۆت، ” ئیسرائیلێ دەڤ ژ ھەگەمۆنیا خوە یا ل سەر رۆژھلاتا ناڤین دە بەرنەدایە. رهوشا 2024ان ھێژ ژی بەردەوام دکە. مەرجێن شەرێ جیھانێ یێ سێیەمین ھین گونجاون.”
خەبات ئاندۆک دیار کر کو پهكهكێ نیشان دایە کو “د ستراتەژیا خوە یا گوھەرتن و ڤەگوھەرینێ دە چقاس ب ئئسرار و بریاردەرە” و گۆت کو “وەکی تەڤگەر، مە ھەر تشتێ کو ژ دەستێ مە تێ مە کریە” ژ بۆ چارەسەرکرنا پرسگرێکا کورد و پرسگرێکێن دەمۆکراسیێ ل ترکیێ. وی ھەروھا دیار کر کو وان “ھەموو ھنجەتێن” کو ترکیێ د دەربارێ نەچارەسەرکرنا پرسگرێکا کورد دە مە ژ دەست وان گرتییە. و ھەروھا ئاندۆک ب شێوازهكێ ههر وەکە کو دەولەتا کوور یا ترکیێ لاواز دبینە، خوەست ئاقلی بدە ترکیێ.
خەبات ئاندۆک دیار کر کو ئەو وە دبینن کو بریاردانا حكوومهتێ نە وەکە رۆژێن بهرێ ب ھێزە. “وسا خویا دکە کو دەولەتا ترک رهوشێ ل بەر چاڤان ناگرە. دەما کو ئەڤ پێڤاژۆ دەست پێ کر، ھاتە گۆتن کو ئەردۆگان و باخچەلی ب ھەڤ رە ئاخڤین و ئەڤ یەک وەکی پرۆژەیەک دەولەتێ ھاتە پێشکێش کرن. ئەڤ تێ وێ واتەیێ کو دەولەتا ترک رهوشا وێ سەردەمێ وەکی گەفەک ژ بۆ خوە دیت و ل گۆری وێ ھن گاڤ ئاڤێتن و ھن بانگاوازی کرن. رێبەرتییا مە ژی بەرسڤا ڤان بانگان دا. لێ ووسا خویا دکە کو ئەو ئێدی وێ رهوشێ وەکی بەرێ نانرخینن. ئەو دفکرن کو شەرێ جیھانێ یێ سێیەمین ھەمان گەفێن بەرێ ل سەر دەولەتا ترک چێناکە. گەر رەوش ئەڤ بە، ئەڤ شیرۆڤەکرنەک پر خەلەتە، ممکونە کو مرۆڤ ڤێ یەکێ ببێژە. شەرێ جیھانێ یێ سێیەمین ھین ژی شەرەکە کو جارنان گەرمە، جارنان سارە.” ئاندۆک ھەر وھا دیار کر کو بریارێن دەربارێ ھەگەمۆنیایا ئیسرائیلێ ل رۆژھلاتا ناڤین دە نەھاتنە بەتالکرن و گۆت، “رهوشا 2024ێ ھێژ ژی بەردەوام دکە. مەرجێن شەرێ جیھانێیێ سێیەمین ھین ژی ژ ھۆلێ نەرابوو نە.”
