ژ ڤەگەریانا 4 هزار گهریلایان تا دۆسیەیا ئۆجالانی؛ هوورکارتیێن یاسایا چارچۆڤە یا نوو
نیقاشا ل سەر “ستاتویا تایبەت ژ بۆ ئۆجالان د قانوونێن “پێڤاژۆیا ئاشتیێ ده” كو ل بن ناڤێ قانوونا چارچووڤه تێن ئامادهكرن چارەسەر بوونه و ئارمانج ئەوە بەری بێهنڤهدانا پارلامەنتۆیێ وەرن دەرخستن. ئاک پارتیێ راگهاند؛ چ رێکەفتنەک تایبەت، مافێ ھێڤیێ، و ههروهها چ ستاتویەک تایبەت ژ بۆ ئۆجالان د قانوونێ ده تونه.
ئامادەکاریێن داوی یێن قانوونا چارچۆڤەیی كو ل سەر “پێڤاژۆیا ئاشتیێ” تێنە کرن دهوام دكن، ئاک پارتی و پارتیا دەم ل ھەڤ کرنە قانوون بەری بێهنڤهدانا پارلامەنتۆیێ وەرە دەرخستن. د ڤێ دهربارێ ده كارێن جێگرێ سەرۆککۆمارێ تركیێ جەڤدەت یلماز و جێگرێ سەرۆکێ ئاک پارتیێ ئەفکان ئالان ب داوی بوونه و دێ نێرینێن پارتیێن ئۆپۆزسیۆنێ وەرن بەر چاڤ گرتن.
مافێ ھێڤیێ تونە، ستاتویەک تایبەت تونە!
ل گۆری ئاگاھیێن ھاتنە بدەستخستن، قانوونا پێشنیار كری کو ژ ھێلا ئاک پارتیێ ڤە ھاتیە ئامادەکرن، د بن سەرناڤێ “دایینا ستاتویێ ژ ئۆجالان رە” كو مژارا ھەری زێدە یا نیقاشێ یە د رایا گشتی دە، ت رێکەفتنەک تونه.
چاڤکانیێن ئاک پارتیێ دیار کرن، “دەربارێ ئۆجالان دە چ رێکەفتنەکە تایبەت تونە. مافێ ھێڤیێ تونە، ستاتویەکە تایبەت تونە. چاوا دکارە ستاتویەک ژ کەسەکی/ێ کو جەزایێ ھەپسا ههتا ههتا یێ گرانکری لێ ھاتیە برین وەرە دایین؟ ژ بۆ کو مافێ ھێڤیێ ھەبە، دڤێ قانوونا دارڤەکرنێ وەرە گوھەرتن. ژ بۆ ڤی کەسی ت رێکەفتنێن تایبەت نایێن چێکرن.”
ل سەر کاتەگۆرییان هاتنه دابهشكرن
چاڤکانیان، دیار کرن کو قانوونا چارچۆڤە دێ پێڤاژۆیا قانوونی یا ب پهكهكێ ره وهكه “رێخستنەکە تەرۆریست یا ھلوەشیایی” مهشینه، کاتەگۆرییێن جودا یێن ئەندامێن پهكهكێ ھەنە:
سهركردهیێن رێخستنێ.
یێن کو د ئێریشێن بۆمبەیی دە بەشدار بوونە.
یێن کو لەشکەر و پۆلیس کوشتنە.
یێن کو ئالیکاری کرنە.
یێن کو د تهوانان دە بەشدار نەبوونە.
یێن کو د گرتیگەھێ دە نە.
قانوون ب ههمان ریێ نێزی ڤان كهسان نابه، گرانیا تهوانێ دێ وەرە حەسباندن. تاوانا “رێخستنا تەرۆریست” دێ ژ بۆ ڤان وەرە بەتالکرن، لێ جەزایێن وان یێن ژ بۆ تهوانێن دن یێن کو وان کرنە دێ بەردەوام بکن. ئارمانجا سەرەکە ئەوە کو زێدەتری 4000 کەسێن کو د تهوانان دە بەشدار نەبوونە و یێن کو ژ بەر تهوانێن تەرۆرێ د گرتیگەھێ دە نە، ژ نوو ڤە تەڤلی جڤاکێ ببن.
3 بۆ 4 ههزار گهریلا ڤهدگهرن
تێ گۆتن کو ھەژمارا ئەندامێن پهكهكێ کو دێ ڤەگەرن ترکیەیێ دبە کو ل دۆرا 3-4 ھەزاران بە. پێڤاژۆیا یاسایی یا ژ بۆ ئەندامێن رێخستنێ دێ ل گۆری تهوانێن کو وان کرنە وەرە مەشاندن. گەر ئەو تەنێ ب ئەندامەتیا رێخستنەکێ وەرن تاوانبارکرن، ئەوێ نەچن گرتیگەھێ لێ دێ د بن چاڤدێریا دادوەری دە بن.
ئەوێ وهرن لێكۆلین كرن
ل گۆری قانوونا چارچووڤهیی، گەر ئەندامێن رێخستنێ یێن د گرتیگەھێ دە تەنێ ب “ئەندامتیا رێخستنەکێ” وەرن تاوانبارکرن، ئەوێ پشتی کو قانوون بکەڤە وار بجهئینانێ وەرن بەردان.
چاڤکانیێن ئاک پارتیێ گۆتن، “گەر تاوانا تەرۆرێ وەرە راکرن، جەزایێن مایی سڤك دبن یان نامینن. میناک، گەر وان لەشکەر ئان پۆلیس کوشتنە، یێن د ڤێ رەوشێ دە دێ ژ بەر تهوانا كوشتنێ د گرتیگەھێ دە بمینن. جهزایێ بهرێ یێ گرتیگههێ دێ وهره حهساب كرن و گهر جهزایێ نوو وهره دهرباز كرن، دێ وهرن بهردان. ھەموو دۆسیا دێ ب ڤی رەنگی وەرن چارەسەرکرن.
ژ ئالیەکی دن ڤە، ھاتە گۆتن کو رایەدارێن دەولەتێ ل ئیمرالیێ ب ئۆجالان رە د تێکلیێ دە نە دەربارێ قانوونا پێشنیار كری و لیستەیا ئەندامێن پهكهكێ یێن کو دێ وەرن ترکیەیێ و سهركردهیێن رێخستنێ یێن کو دێ بچن وەلاتێن سێیەمین. ھەر وھا ھاتە گۆتن کو شاندەیا دەمێ دێ د دەمەک کورت دە بچە ئیمرالیێ.
