شاندا دەم پارتیێ دێ ل ئیمرالیێ لگەل ئۆجالان ھەڤدیتنێ ئەنجامدەت
شاندا ئیمرالیێ یا پارتیا وەکھەڤی و دەمۆکراسیێ یا گەلان (دەم پارتی)، ژ بۆ پێکھاتنا ھەڤدیتنێن سیاسی ئامادەکاریا چوونا گراڤا ئیمرالیێ دکەت. ل گۆری ئاگاھیێن کو ھاتنە راگھاندن، شاندێ ژ بۆ چوونا گراڤێ بەرنامەیا خوە دیار کریە.
تێ چاڤەرێکرن کو شاندەیا دەم پارتیێ د 23یێ تیرمەھێ رۆژا پێنجشەمێ بەرێ خوە بدەتە گراڤا ئیمرالیێ و ل ور لگەل رێبەرێ پەکەکێ عەبدوللاھ ئۆجالان ھەڤدیتنێ ئەنجام بدەت. ئەڤ سەردان د دەمەکێ دە دهێتە ئەنجامدان کو گەشەدانێن ل ئیمرالیێ ژ ئالیێ گەلەک دەردۆرێن سیاسی ڤە ژ نێزیک ڤە تێنە شۆپاندن.
شاندا ئیمرالیێ ھەری داوی د 24ێ گولانێ دە چووبوو گراڤێ و لگەل ئۆجالان ھەڤدیتن ئەنجامدابوو. دهێتە تەخمینکرن کو د ڤێ سەردانا نوو دە ژی رەوشا داوی و گەشەدانێن سیاسی یێن گرێدایی پرۆسەیا “ترکیەیا بێ تورۆر” بهێن نرخاندن.
