پهكهكهیا هلوهشیایی مهرجێن خوه ئاشكهره كرن: بێی ئازادیا ئۆجالان یاسایا چارچووڤه بێ واتهیه
برێڤەبریا پهكهكهیا هلوهشیایی راگهاند؛ دڤێ قانوونەک بێ دەرخستن کو ژ رێبەرتیێ ھەتا شەرڤانان ھەر کەسی تەڤلی سیاسەتا دەمۆکراتیک بكه و گۆت: “چارەسەری ب ئیرادەیا یەکالی و فەرزکرنێ نابە”.
رێڤهبهرییا رێخستنا پهكهكهیا هلوهشیایی كو ناڤێ خوه بۆ تهڤگهرا ئاپۆیی گوهارتییه، ئیرۆ 20 تیرمهها 2026ێ داخویانیهك دهربارێ داوی پێشهاتێن پێڤاژۆیا چارهسهریێ دا.
تهڤگهرا ئاپۆیی گۆت: “ل گۆری خوەزایا پرسگرێکێ یا کو تێ خوەستن بێ چارەسەرکرن، دڤێ قانوونەک بێ دەرخستن کو ژ رێبەرتیێ ھەتا ب شەرڤانان ھەر کەسی تەڤلی سیاسەتا دەمۆکراتیک بکە کو ئازادیا فکری و رێخستنبوونێ لێ تامە”.
ههروهها دهستنیشا كر، ئەگەر دێ ژ بۆ چارەسەریێ قانوونەکە چارچۆڤەیێ یا پێویست بێ دەرخستن، ئەڤ یەک ب ئیرادەیا یەکالی و فەرزکرنێ نابە، بهلكو ب لھەڤکرنا نێرینێن دوئالی دبە.
تهڤگهرێ ههروهها ئاشكهره كر كو دڤێ نێرین و پێشنیارێن كو عهبدوللا ئۆجالان كرنه ل بەر چاڤان بێن گرتن و گۆت ژی: “دڤێ ئافراندنا مەرجێن ئازاد یێن ئاپۆ ب قانوونەکێ پێک وەرە”.
ههر دهربارێ قانوونا چارچووڤهیێ، رێخستنا پهكهكێ گۆت: ھنەک کەسایەتێن نێزی ئاكهپێ دیار کر کو د ڤێ قانوونا چارچۆڤەیێ دە دێ تێکلداری ئاپۆ خالەک نەبە و کادرۆیێن برێڤەبر ژی ل دەرڤەیی ڤێ قانوونێ بێنە ھشتن. قانوونەک ئەگەر ئازادیا فیزیکی یا رێبەر ئاپۆ ل ناڤا خوە نەگرە دێ ببە قانوونەکە کو ت پرسگرێکان چارەسەر نەکە. ب رەنگەکی ئەشکەرە دێ بێ واتەیا سابۆتەکرنا پێڤاژۆیێ.
