چارەنووسا ئۆجالان، قەندیل و گهریلایان د قانوونا چوارچۆڤەیی یا نوو دا ئاشكهره بوو
هن ووردهكاریێن ڤهشارتی یێن قانوونا چارچووڤه یا پێشنیار كری ئاشكهره بوون، ژ وان ڤهگهرا 8 ههزار گهریلایان، چارهنووسا ئۆجالان، قهندیل و رێڤهبهرێن رێخستنێ.
د دەربارێ ناڤەرۆکا قانوونا چارچۆڤەیێ شامل تهیار پارلەمەنتەری بەرێ یێ ئاک پارتیێ راگھاند، رایەدارێن رێخستنێ دێ نکاربن ڤەگەرن ترکیەیێ، قەندیل دێ وەرە ڤالا کرن و نێزی 8 ھەزار ئەندامێن رێخستنێ ژی ڤەگەرن.
پارلەمەنتەرێ بەرێ یێ ئاک پارتیێ شامل تهیار، کو د ھەمان دەمێ دە کادرۆیەکە دیارێ وێ پارتیێ یە، ب رێیا مەدیایا جڤاکی راگھاند، قانوونا چارچۆڤەیێ ب ت ئاوایی لێبۆرینا گشتی نینە و دێ ژ بۆ سالەکێ بە.
ھەر وھا گۆت، عهبدوللا ئۆجالان دێ ل ئیمرالیێ بمینە و رایەدارێن رێخستنێ ژی نکارن ڤەگەرن ترکیەیێ.
تهیار دەربارێ ھەژمارا ئەندامێن رێخستنێ کو دێ سوودێ ژ قانوونێ وەربگرن دیار کر، دێ نێزی 8 ھەزار ئەندامێن رێخستنێ ڤەگەرن ترکیەیێ یان ژی ل ئیراق و سووریێ بمینن و یان ژی بەرێ خوە بدن ئەورۆپایێ و دێ قەندیل ب تەمامی وەرە ڤالا کرن.
شامل تهیار گۆت، ئەندامێن پهكهكێ دێ 5 سالان د بن کۆنترۆلا ئەدلی دە بمینن و د وان سالان دە دێ نکاربن خەباتێن سیاسی بکن.
ھەر وھا گۆت، ئەگەر ناکۆکیێن دەربارێ ناڤەرۆکا قانوونێ وەرن یەکالکرن، دبە کو رۆژا پێنجشەم و یان ژی ئینیێ پێشکەشی پارلەمەنتۆیێ وەرە کرن.
