یەکەم کاروانێ کۆچبەرێن سەرێ کانیێ بەر ب باژارێ خوە ڤە ب رێ کەت

پشتی 7 سالان ژ کۆچبەری و ژیانا دووری مال و مولکێن خوە، یەکەم کاروانێ کۆچبەرێن سەرێ کانیێ ژ گوندەوارێ حەسەکێ بەر ب باژارێ خوە ڤە ب رێ کەت.

ئەڤ کاروانێ یەکێ ژ 410 مالباتان پێک تێ. بریار بوو کو زێدەتری 600 مالبات د ڤی کاروانی دە ڤەگەرن، لێ ژ بەر کو ھندەک مالبات نە ئامادە بوون، ڤەگەرا وان بۆ کاروانێن دن ھاتە پاشخستن.

ل گۆری زانیاریێن کۆمیتەیا کۆچبەرێن سەرێ کانیێ، بریارە کو ھەر 7 ھەتا 10 رۆژان کاروانەکی نوویێ ڤەگەرێ ب رێ بکەڤە. کۆمیتە پێشبینی دکە کو د ھەیاما 2 مەھان دە ھەموو کۆچبەرێن سەرێ کانیێ ب تەمامی ڤەگەرن جھ و وارێن خوە.

ھەر وھا کۆمیتەیا کۆچبەرێن سەرێ کانیێ راگھاند کو ژ بۆ پشتگریا ئابۆری و ئاڤاکرنا ژیانا نوو، دێ ژ بۆ ھەر مالباتەکە کۆچبەر کو ڤەدگەرە وارێ خوە 2 ھەزار دۆلارێن ئامەریکی ئالیکاری بێ دان.