ل سینۆرێ سۆران و حەریرێ 4 درۆن کەتن خوارێ

ل دەڤەرێن جودا یێن سینۆرێ ئیدارەیا سەربخوەیا سۆرانێ و حەریرێ چار درۆن کەتن خوارێ. د ئەنجاما بوویەران دە زیانێن مادی چێبوون.

ئیرۆ 12ێ تەباخێ ل چەند ھەرێمێن جودا یێن سینۆرێ ئیدارەیا سەربخوە یا سۆرانێ، قەزایا خەلیفانێ و ناحیا حەریرێ چار درۆن کەتن خوارێ.

هات راگهاندن، درۆنەک ل ناڤەندا باژارێ سۆرانێ ل سەر مالەکە سڤیل کەتیە. د ئەنجامێ دە زیانەکە مەزن یا مادی گھیشت مالێ، لێ خوەشبەختانە ت کەس بریندار نەبوویە.

دو درۆن ل نێزیکی گوندەکی سەر ب قەزایا خەلیفانێ ڤە کەتن خوارێ.

درۆنا چارەم ژی ل سەر چیایێ بەنی حەریرێ کەت. ژ بەر کەتنا درۆنێ ئاگر ب دار و گیایێن ل سەر چیای کەت.