مەسروور بارزانی: ئەز ب توندترین شێوە ڤان ئێریشێن بێ بنەما و نەقەبوولکری شەرمەزار دکەم

سەرۆکوەزیرێ ھەرێما کوردستانێ راگھاند کو ل گۆری لێکۆلینێن دژەتیرۆرا کوردستانێ، نڤیسگەھا وی یا تایبەت و مالا سەرۆکێ دەزگەھا ئاساییش و ھەوالگریێ ب درۆنێن ئیرانی ھاتنە ئارمانجگرتن و تەکەز کر: “ئەڤ گەشەدانەکە مەزن و خەتەرناکە.”

رۆژا دوشەمێ، 17ێ تەباخا 2026ێ، مەسروور بارزانی سەرۆکوەزیرێ ھەرێما کوردستانێ د پەیامەکێ دە ل سەر ئێریشێن درۆنی یێن ل سەر نڤیسگەھا خوە راگھاند: “پشتی لێکۆلینەکا دژەتیرۆرا کوردستانێ، دەرکەت ھۆلێ کو ئیرۆ نڤیسگەھا من یا تایبەت و مالا سەرۆکێ دەزگەھا ئاساییش و ھەوالگریێ ب ئێریشەکە درۆنی یا ئیرانی ھاتنە ئارمانجگرتن.”

د بەشەکا دن یا پەیاما خوە دە، سەرۆکوەزیرێ ھەرێما کوردستانێ ب توندترین شێوە ڤان “ئێریشێن بێ بنەما و نەقەبوولکری” شەرمەزار دکە و رادگھینە: “ئەڤە گەشەدانەکا مەترسیدارە و گەفەکا راستەراستە ل سەر ئەولەھی و ئارامیا ھەرێما کوردستانێ.”