p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
نێچیرڤان بارزانی: ئێرشا ل سەر نڤیسینگەھا سەرۆکوەزیر پێشڤەچوونەکە مەترسیدارە
سەرۆکێ ھەرێما کوردستانێ نێچیرڤان بارزانی ئێرشێن ل سەر نڤیسینگەھا مەسروور بارزانی ب توندی شەرمەزار کرن و داخواز ژ حكوومه‌تا فەدەرالی کر کو بەرپرسیاریا خوە د پاراستنا ئەولەھیا وەلات دە ب جھ بینە.
سەرۆکێ ھەرێما کوردستانێ نێچیرڤان بارزانی ئیرۆ دوشەمێ، 17 تەباخا 2026ێ، د داخویانیەکێ دە ئێرشێن سەرێ سبەھا ئیرۆ، کو نڤیسگەھا سەرۆکوەزیرێ ھەرێما کوردستانێ مەسروور بارزانی و جھێ مانێ یێ رێڤەبەرێ ئاژانسا پاراستنێ کربوون ئارمانج، ب توندی شەرمەزار کرن.
سەرۆکێ ھەرێما کوردستانێ ڤان ئێرشان ب تەڤاھی رەد دکە و وان وەکی ئالۆزبوون و پێشکەتنەکە خەتەر ب ناڤ دکە.
د پارەکە دن یا وێ داخویانیێ دە، نێچیرڤان بارزانی داخواز ژ حكوومه‌تا فەدەرالی دکە کو بەرپرسیاری و پابەندیا خوەیا دەستووری د پاراستنا ئەولەھی و ئارامیا وەلات دە ب جھ بینە، دا کو رێ ل بەر دووبارەبوونا دەستدرێژیان ب ڤی رەنگی بێ گرتن.
سەرۆکێ ھەرێما کوردستانێ تەکەز ژی کر کو پاراستنا سەروەری، ئەولەھی و ئارامیا ئیراقێ و ھەرێما کوردستانێ بەرپرسیاریەکە ھەڤپارە، لەوما دڤێ ھەمی ئالی ژ بۆ ئارامکرن و نەھێلانا ئالۆزییان کار بکن.
